ສະຫະປະຊາຊາດເຊີນລັດຖະບານຊີຣີເຂົ້າຮ່ວມຮອບເຈລະຈາສັນຕິພາບໃໝ່
(ພາບປະກອບ:Reuters)
ວັນທີ 31/07 ຮອງທູດພິເສດສະຫະປະຊາຊາດກ່ຽວກັບ ຊີຣີ ທ່ານ Ramzy Ezzeldin Ramzy ໄດ້ເຊີນລັດຖະບານ ຊີຣີ ເຂົ້າຮ່ວມບັນດາການເຈລະຈາສັນຕິພາບໃໝ່ກັບກຳລັງຝ່າຍຄ້ານຢ່າງເປັນທາງການ ເຊິ່ງຄາດຄະເນວ່າ ຈະດຳເນີນໃນທ້າຍເດືອນ 8 ນີ້. ກ່າວຄຳເຫັນພາຍຫລັງການພົບປະກັບທ່ານລັດຖະມົນຕີການຕ່າງປະເທດ ຊີຣີ Walid Muallem ຢູ່ Damascus, ທ່ານຮອງທູດພິເສດ Ramzy Ramzy ໃຫ້ຮູ້ວ່າ: 2 ຝ່າຍໄດ້ປຶກສາຫາລືກ່ຽວກັບແຜນການເຊື່ອມຕໍ່ການເຈລະຈາຄືນໃໝ່, ວິວັດຂ້າມຜ່ານດ້ານການເມືອງ ເຊິ່ງໄດ້ຄວາມເຫັນດີເຫັນພ້ອມຈາກສະພາຄວາມໝັນຄົງສະຫະປະຊາຊາດ. ທ່ານ Walid Muallem ລັດຖະມົນຕີການຕ່າງປະເທດ ຊີຣີ ຮັບຮູ້ວ່າ: ລັດຖະບານ ຊີຣີ ມີຈຸດປະສົງເຂົ້າຮ່ວມບັນດາການເຈລະຈາສັນຕິພາບ ຖ້າວ່າໄດ້ຮັບການຈັດຕັ້ງ. ສະຫະປະຊາຊາດສະໜັບສະໜູນຂັ້ນຕອນສັນຕິພາບ ແລະ ຮຽກຮ້ອງສ້າງຕັ້ງລັດຖະບານຂ້າມຜ່ານ, ຮຽບຮຽງລັດຖະທຳມະນູນໃໝ່ ແລະ ດຳເນີນບັນດາການເລືອກຕັ້ງຢູ່ ຊີຣີ ກ່ອນກາງປີ 2017. ເຖິງຢ່າງໃດກໍ່ຕາມ, ຄວາມບໍ່ລົງລອຍກັນຕົ້ນຕໍໃນບັນດາການເຈລະຈາສັນຕິພາບກ່ຽວກັບ ຊີຣີ ໂດຍສະຫະປະຊາຊາດອຸປະຖຳແມ່ນ ອະນາຄົດດ້ານການເມືອງຂອງການນຳ ຊີຣີ Bashar Al Assad.
(ແຫຼ່ງຄັດຈາກ VOV)