24/05/2020 06:38 GMT+7 Email Print Like 0

ສະມາຊິກສະພາຕ່ຳ ອາເມລິກາ ຕີລາຄາສູງວຽກງານຄວບຄຸມໂລກລະບາດໂຄວິດ-19 ຂອງ ຫວຽດນາມ

ວັນທີ 22 ພຶດສະພາ, ທ່ານ ຮາກິມງອັກ ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ໄດ້ມີການໂອ້ລົມທາງໂທລະສັບກັບທ່ານ Ami Bera ສະມາຊິກສະພາຕ່ຳພັກປະຊາທິປະໄຕ, ປະທານອະນຸກຳມະການ ອາຊີ - ປາຊີຟິກ ແລະ ຕ້ານການເຜີຍແຜ່ອາວຸດນິວເຄຼຍຂຶ້ນກັບກຳມາທິການພົວພັນຕ່າງປະເທດສະພາຕ່ຳ. 

 (ພາບປະກອບ/TTXVN)

ທ່ານ Ami Bera ໄດ້ຕີລາຄາສູງ ແລະ ຊົມເຊີຍ ຫວຽດນາມ ໃນການຄວບຄຸມໂຄວິດ-19 ໄດ້ເປັນຢ່າງດີ. ທ່ານສະມາຊິກສະພາຕ່ຳ Ami Bera ໃຫ້ຮູ້ວ່າ: ໜຶ່ງໃນບັນດາບຸລິມະສິດຂອງອະນຸກຳມະການ ອາຊີ - ປາຊີຟິກ ແລະ ໃນນາມສ່ວນຕົວທ່ານແມ່ນຊຸກຍູ້ການຮ່ວມມືຫລາຍດ້ານກັບບັນດາປະເທດໃນພາກພື້ນ, ໃນນັ້ນ ມີເສດຖະກິດ - ການຄ້າ, ການປ້ອງກັນຊາດ - ປ້ອງກັນຄວາມສະຫງົບ, ຮັບປະກັບຄວາມໝັ້ນຄົງໃນການເດີນເຮືອ, ບັນດາປະເທດໃນພາກພື້ນ ພ້ອມກັນເຄົາລົບກົດໝາຍສາກົນ, ຄວາມເປັນລະບຽບຮຽບຮ້ອຍໂດຍອີງໃສ່ກົດໝາຍ, ຄວາມເສລີໃນການເດີນເຮືອ ແລະ ການບິນ. ໃນການໂອ້ລົມທາງໂທລະສັບ, 2 ຝ່າຍກໍ່ໄດ້ແລກປ່ຽນກ່ຽວກັບສະພາບການຢູ່ທະເລຕາເວັນອອກ ແລະ ຊຸກຍູ້ການຮ່ວມມືແມ່ນ້ຳຂອງ - ອາເມລິກາ. ກ່ຽວຂ້ອງເຖິງທະເລຕາເວັນອອກ, ທ່ານ Ami Bera ໃຫ້ຮູ້ວ່າ: ສະພາແຫ່ງຊາດ ອາເມລິກາ ແລະ ສ່ວນຕົວທ່ານ ຍາມໃດກໍ່ເອົາໃຈໃສ່ ແລະ ຕິດຕາມບັນດາການຜັນແປຢູ່ທະເລຕາເວັນອອກຢ່າງໃກ້ຊິດ, ຄັດຄ້ານບັນດາການກະທຳລະເມີດອະທິປະໄຕ, ໄປຝືນກັບກົດໝາຍສາກົນ, ຄວາມເປັນລະບຽບຮຽບຮ້ອຍທີ່ອີງໃສ່ກົດໝາຍ ແລະ ກໍ່ຄວາມຂາດສະຖຽນລະພາບຢູ່ພາກພື້ນ.
(ແຫຼ່ງຄັດຈາກ VOV)