ວັນທີ 16 ເມສາ, ຢູ່ນະຄອນຫຼວງ ວໍຊິງຕັນ, ທ່ານຮ່າກິມງອກ ເອກອັກຄະລັດຖະທູດ ອາເມລິກາປະຈຳ ຫວຽດນາມ ໄດ້ເຂົ້າຮ່ວມການໂອ້ລົມສົນທະນາທາງອອນລາຍໂດຍທ່ານ Myron brillian ຮອງປະທານປະສານງານຫ້ອງການການຄ້າ ອາເມລິກາ (USCC) ເປັນປະທານ.             ກ່າວຄຳເຫັນທີ່ການໂອ້ລົມສົນທະນາ, ທ່ານຮ່າກິມງັອກຖືວ່າ ເຖິງວ່າເກີດສິ່ງທ້າທາຍທີ່ບໍ່ເຄີຍມີມາກ່ອນກໍ່ຕາມ, ແຕ່ ໂລກລະບາດ Covid – 19 ກໍ່ແມ່ນກາລະໂອກາດເພື່ອເພີ່ມທະວີການພົວພັນຄູ່ຮ່ວມມື, ຊຸກຍູ້ການຮ່ວມມືສາກົນ, ພ້ອມກັນຮັບມືກັບບັນຫາຂ້າມຊາດ.
            ທ່ານກໍ່ເນັ້ນໜັກວ່າ ລັດຖະບານ ຫວຽດນາມເອົາໃຈໃສ່ທີ່ສຸດເຖິງການຮັກສາການເຄື່ອນໄຫວເປັນປົກກະຕິຂອງບັນດາວິສາຫະກິດ  ແລະ ປາດຖະໜາຢາກໃຫ້ວິສາຫະກິດອາເມລິກາສືບຕໍ່ຮ່ວມເດີນທາງກັບລັດຖະບານ ແລະ ປະຊາຊົນ ຫວຽດນາມໃນບັ້ນຕໍ່ສູ້ກັບໂລກລະບາດ Covid -19 ແລະ ພັດທະນາເສດຖະກິດ - ສັງຄົມ, ສືບຕໍ່ລົງທຶນຢູ່ ຫວຽດນາມ ແລະ ພາກພື້ນເພື່ອພ້ອມກັນກຳໄດ້ກາລະໂອກາດຢ່າງກ້ວາງຂວາງເມື່ອ ຄວບຄຸມໂລກລະບາດໄດ້.
            ຕໍ່ກັບຂໍ້ສະເໜີຂອງທ່ານ ຮ່າກິມງອັກກ່ຽວກັບເລື່ອງເພີ່ມທະວີການຮ່ວມມືໃນຂົງເຂດສາທາລະນະສຸກ - ການຢາ, ທ່ານ Patrick Kilbride ຮອງປະທານ USCC ຜູ້ຮັບຜິດຊອບສູນປະດິດຄິດສ້າງທົ່ວໂລກໃຫ້ຮູ້ວ່າ ບັນດາວິສາຫະກິດ ອາເມລິກາພ້ອມແລ້ວທີ່ຈະເຂົ້າຮ່ວມການພົວພັນຄູ່ຮ່ວມມືພາກລັດ - ເອກະຊົນ ກັບລັດຖະບານປະເທດຕ່າງໆໃນການເຄື່ອນໄຫວຜະລິດການຢາ, ບັນດາອຸປະກອນປ້ອງກັນ ກໍ່ຄືວຽກງານການສື່ສານກ່ຽວກັບໂລກລະບາດ Covid -19 ໃຫ້ແກ່ປະຊາຄົມ.