ຂ່າວສານ

ລັດຖະບານ ຫວຽດນາມ ໃຫ້ຄໍາໝັ້ນສັນຍາ ສ້າງທຸກເງື່ອນໄຂສະດວກເພື່ອໃຫ້ບັນດາວິສາຫະກິດ ສິງກະໂປ ລົງທຶນ, ດໍາເນີນທຸລະກິດ ຢ່າງສໍາເລັດຜົນຢູ່ ຫວຽດນາມ

16/07/2019

ຕອນບ່າຍ 15 ກໍລະກົດ, ຢູ່ສໍານັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບຄະນະວິສາຫະກິດ ສິງກະໂປ ໂດຍ ສະຫະພັນວິສາຫະກິດ ສິງກະໂປ (SBF) ແລະ ອົງການພັດທະນາວິສາຫະກິດ ສິງກະໂປ (ESG) ຈັດຕັ້ງຂຶ້ນ ເພື່ອແນໃສ່ຊອກຮູ້ກາລະໂອກາດຍູ້ແຮງການຮ່ວມມື, ດໍາເນີນທຸລະກິດຢູ່ຫວຽດນາມ.

ທ່ານນາຍົກລັດຖະມົນຕີ ຫງວນຊວັນຟຸກ ເຮັດວຽກກັບຄະນະວິສາຫະກິດ ສິງກະໂປ (ພາບ: TTXVN)

ກ່າວຄໍາເຫັນທີ່ການຕ້ອນຮັບ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຊີ້ແຈ້ງວ່າ ລັດຖະບານ ຫວຽດນາມ ຕີລາຄາສູງບັນດາການເຄື່ອນໄຫວລົງທຶນ, ດໍາເນີນທຸລະກິດຂອງວິສາຫະກິດ ສິງກະໂປ ເຂົ້າມາຢູ່ຫວຽດນາມ. ທ່ານນາຍົກລັດຖະມົນຕີ ຫງວຽນຊວັນຟຸກ ຢັ້ງຢືນວ່າ ລັດຖະບານຫວຽດນາມ ໃຫ້ຄໍາໝັ້ນສັນຍາສ້າງທຸກເງື່ອນໄຂສະດວກ ເພື່ອໃຫ້ບັນດາວິສາຫະກິດ ສິງກະໂປ ລົງທຶນ, ດໍາເນີນທຸລະກິດຢູ່ຫວຽດນາມ. ທ່ານນາຍົກລັດຖະມົນຕີ ຫງວຽນຊວັນຟຸກ ປາດຖະໜາວ່າ ບັນດາວິສາຫະກິດຂອງ ສິງກະໂປ ສືບຕໍ່ເປີດກວ້າງການລົງທຶນ ຢູ່ຫວຽດນາມ ໃນບາງຂົງເຂດ ທີ່ມີທ່າແຮງ ແລະ ສົມທົບກັນໃຫ້ແໜ້ນແຟ້ນ ເພື່ອພັດທະນາຮູບແບບຕົວເມືອງອັດສະລິຍະ. ທ່ານ ຫງວຽນຊວັນຟຸກ ກໍຊົມເຊີຍ ແລະ ສະເໜີບັນດາວິສາຫະກິດ ສິງກະໂປ ໃຫ້ການຮ່ວມມື ເພື່ອວາງແຜນຜັງພັດທະນານະຄອນດ່າໜັງ ເຊິ່ງເປັນນະຄອນທີ່ມີເນື້ອທີ່ເທົ່າທຽມກັບ ສິງກະໂປ.

(ແຫຼ່ງຄັດຈາກ VOV)

ທ່ານນາຍົກລັດຖະມົນຕີຮຽກຮ້ອງຊຸກຍູ້ ການລົງທຶນຂອງລັດໃຫ້ກາຍເປັນກຳລັງເສີມຂະຫຍາຍ

18/09/2025
ຂ່າວສານ

ທ່ານນາຍົກ ໄດ້ຊີ້ແຈ້ງວ່າການປ່ອຍເງິນຂອງລັດ ປີ 2025 ມີບາດກ້າວພັດທະນາ. ໃນ 8 ເດືອນ ທີ່ຜ່ານມາ, ການປ່ອຍເງິນທຶນລົງທຶນຂອງລັດ ບັນລຸໄດ້ 46 % ຕາມແຜນທີ່ນາຍົກໄດ້ມອບໃຫ້, ເພີ່ມຂຶ້ນ 6% ເມື່ອທຽບໃສ່ໄລຍະດຽວກັນຂອງປີກາຍ.