ທ່ານນາງຮອງປະທານປະເທດ ດັ້ງທິງອກທິ້ງ
ຕ້ອນຮັບຄະນະຜູ້ແທນ ຜູ້ທີ່ມີຄຸນງານຄວາມດີແຂວງ ຕ່ຽນຢາງ
(ພາບ: TTXVN)
ຕອນເຊົ້າວັນທີ 5/4, ຢູ່ສຳນັກງານປະທານປະເທດ, ທ່ານນາງຮອງປະທານປະເທດ ດັ້ງທິງອກທິ້ງ ໄດ້ໃຫ້ການຕ້ອນຮັບຄະນະຜູ້ແທນ ຜູ້ທີ່ມີຄຸນງານຄວາມດີແຂວງ ຕ່ຽນຢາງ ເນື່ອງໃນໂອກາດທີ່ຄະນະມາຢ້ຽມຢາມ ຮ່າໂນ້ຍ. ທີ່ການຕ້ອນຮັບ, ທ່ານນາງຮອງປະທານປະເທດ ຢືນຢັນວ່າ ພັກ ແລະ ລັດຍາມໃດກໍ່ຈົດຈຳຕໍ່ການເສຍສະຫຼະຊີວິດ ແລະ ການອຸທິດສ່ວນອັນໃຫຍ່ຫຼວງຂອງບັນດາວິລະຊົນທີ່ໄດ້ເສຍສະຫຼະຊີວິດ, ບັນດາແມ່ ຫວຽດນາມ ວິລະຊົນ ແລະ ບັນດາຜູ້ທີ່ມີຄຸນງາມຄວາມດີຕໍ່ການປະຕິວັດໃນທົ່ວປະເທດເວົ້າລວມ, ແລະແຂວງ ຕ່ຽນຢາງ ເວົ້າສະເພາະ, ເຊິ່ງໄດ້ປະກອບສ່ວນໃຫ້ພາລະກິດຕໍ່ສູ້ຍາດເອົາເອກະລາດ, ເອກະພາບໃຫ້ແກ່ປະເທດຊາດ ກໍ່ຄືໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດໃນປະຈຸບັນ. ທ່ານນາງຮອງປະທານປະເທດ ຊີ້ແຈ້ງວ່າ ພັກ ແລະ ລັດຍາມໃດກໍ່ເອົາໃຈໃສ່ ແລະ ເຮັດຈົນສຸດຄວາມສາມາດຂອງຕົນ ເພື່ອມີນະໂຍບາຍທີ່ເໝາະສົມ, ສ້າງເງື່ອນໄຂໃຫ້ແກ່ການເບິ່ງແຍງດູແລ, ເພື່ອແນໃສ່ຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ຜູ້ມີຄຸນງາມຄວາມດີຕໍ່ການປະຕິວັດ ເພື່ອໃຫ້ເຂົາເຈົ້າມີລະດັບຄອງຊີບເທົ່າທຽມ ຫຼືສູງກວ່າລະດັບສະເລ່ຍຂອງປະຊາຊົນບ່ອນທີ່ເຂົາເຈົ້າຢູ່ອາໄສ. ທ່ານນາງປາຖະໜາວ່າບັນດາຜູ້ມີຄຸນງາມຄວາມດີຕໍ່ການປະຕິວັດຈະສືບຕໍ່ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖີ່ນທຸກຂັ້ນ ເພື່ອປະຕິບັດສຳເລັດໜ້າທີ່ການເມືອງ, ພ້ອມທັງຊຸກຍູ້ລຸ້ນໜຸ່ມຮຳ່ຮຽນ ແລະ ອຸທິດສ່ວນເຂົ້າໃນການສ້າງສາປະເທດຊາດໃຫ້ນັບມື້ນັບພັດທະນາ.
(ແຫຼ່ງຄັດຈາກ VOV)
