20/07/2020 09:40 GMT+7 Email Print Like 0

ຟີມຮູບເງົາເລື່ອງ “ຄວາມສຸກຂອງແມ່” ເປີດສັບປະດາໜັງອາຊຽນ 2020

      ຕອນຄ່ຳວັນທີ 18 ກໍລະກົດ, ຢູ່ສູນສາຍຮູບເງົາແຫ່ງຊາດ (ເຮືອນເລກທີ 87 ລ໊າງຮະ, ເມືອງ ບາດິ່ງ, ຮ່າໂນ້ຍ) ໄດ້ຈັດພິທີເປີດສັບປະດາຟີມຮູບເງົາອາຊຽນ 2020 ໂດຍມີການເຂົ້າຮ່ວມຂອງຜູ້ຕາງໜ້າການນຳກະຊວງວັດທະນະທຳ, ກິລາ ແລະ ການທ່ອງທ່ຽວຫວຽດນາມ, ຜູ້ຕາງໜ້າສະຖານທູດບັນດາປະເທດທີ່ມີ ຟີມຮູບເງົາສາຍໃນສັບປະດາໜັງຄັ້ງນີ້.

ຟີມຮູບເງົາເລື່ອງ “ຄວາມສຸກຂອງແມ່”  (ພາບ: thethaovanhoa.vn
      ກ່າວຄຳເຫັນທີ່ພິທີໄຂ, ທ່ານຕະກວາງດົງ ຮອງລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ, ປະທານອະນຸຄະນະກຳມະການໂຄສະນາວັດທະນະທຳ - ຄະນະກຳມະການແຫ່ງຊາດອາຊຽນ 2020 ໄດ້ເໜັ້ນນັກວ່າ: ດ້ວຍເປົ້າໝາຍແນະນຳ ວັດທະນະທຳ, ການດຳລົງຊີວິດ ແລະ ຊາວປະຈຳຖິ່ນຂອງບັນດາປະເທດສະມາຊິກອາຊຽນ, ເພີ່ມທະວີຄວາມຮູ້ເຊິ່ງກັນແລະ ກັນລະຫວ່າງປະຊາຊົນຂອງບັນດາປະເທດໃນພາກພື້ນ
            ປະກອບສ່ວນເປີດກ້ວາງການຮ່ວມມືດ້ານເສດຖະກິດ, ການລົງທຶນດ ພັດທະນາການທ່ອງທ່ຽວ. ກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໄດ້ເປັນປະທານຈັດຕັ້ງ ສັບປະດາ ຟີມຮູບເງົາອາຊຽນ 2020 ຢູ່ 3 ນະຄອນໃຫຍ່ - ຊື່ງແມ່ນສະຖານທີ່ຈັດຕັ້ງບັນດາເຫດການສຳຄັນໃນປີເປັນປະທານອາຊຽນ 2020 ຢູ່ ຫວຽດນາມ.
            ສັບປະດາ ຟີມຮູບເງົາອາຊຽນ 2020 ມີການເຂົ້າຮ່ວມຂອງບັນດາປະເທດຄື: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ຟີລິບປິນ, ສິງກະໂປ, ໄທ ແລະ ປະເທດເຈົ້າພາບຫວຽດນາມ. ພາຍຫຼັງ ພິທີໄຂ, ຮູບເງົາເລື່ອງ “ຄວາມສຸກຂອງແມ່” ຂອງຫວຽດນາມ ໄດ້ເລືອກເອົາມາສາຍເພື່ອຮັບໃຊ້ບັນດາຜູ້ແທນ ແລະ ປະຊາຊົນນະຄອນຫລວງ.
 (ແຫຼ່ງຄັດຈາກ VOV)