25/06/2020 10:31 GMT+7 Email Print Like 0

ປະທານສະພາແຫ່ງຊາດ: ຈະແກ້ໄຂກໍລະນີສໍ້ລາດບັງຫຼວງຢ່າງເຂັ້ມງວດ ດ້ວຍຈິດໃຈບໍ່ມີຂອບເຂດຈໍາກັດ

      ຕອນເຊົ້າວັນທີ 24 ມິຖຸນາ, ໂດຍສືບຕໍ່ລາຍການປະຕິບັດງານພາຍຫຼັງກອງປະຊຸມສະໄໝສາມັນເທື່ອທີ 9, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ມີການພົບປະກັບຜູ້ມີສິດເລືອກຕັ້ງຢູ່ນະຄອນເກິ່ນເທີ. 

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ພົບປະກັບຜູ້ມີສິດເລືອກຕັ້ງຢູ່ນະຄອນເກິ່ນເທີ (ພາບ:  TTXVN)
      ທີ່ການພົບປະ, ຜູ້ມີສິດເລືອກຕັ້ງມີຄວາມສົນໃຈເຖິງບັນຫານະໂຍບາຍຕໍ່ຜູ້ມີຄຸນງາມຄວາມດີ, ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ, ນະໂຍບາຍພັດທະນາເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ ແລະ ການຮັບມືກັບການປ່ຽນແປງຂອງດິນຟ້າອາກາດ.
ເມື່ອຕອບຄໍາຖາມຂອງຜູ້ມີສິດເລືອກຕັ້ງກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຢືນຢັນວ່າ ສໍາລັບກໍລະນີທີ່ໄດ້ສືບສວນຢ່າງຈະແຈ້ງແລ້ວ ແນ່ນອນວ່າຈະແກ້ໄຂຢ່າງເຂັ້ມງວດ ດ້ວຍຈິດໃຈບໍ່ມີຂອບເຂດຈໍາກັດ. ສໍາລັບຂໍ້ສະເໜີຂອງຜູ້ມິດສິດເລືອກຕັ້ງ ກ່ຽວກັບເລື່ອງຄວນເອົາໃຈໃສ່ເຖິງການພັດທະນາເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ ເວົ້າລວມ, ນະຄອນເກິ່ນເທີເວົ້າສະເພາະໃຫ້ຫຼາຍກວ່າອີກນັ້ນ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນັ້ນໜັກວ່າ: ທາງສູນກາງ ຍາມໃດກໍໄດ້ເອົາໃຈໃສ່ເຖິງການພັດທະນາຂອງເຂດນີ້ ດ້ວຍມະຕິຂອງກົມການເມືອງ ວ່່າດ້ວຍການກໍ່ສ້າງ ແລະ ພັດທະນານະຄອນເກິ່ນເທີ, ມະຕິຂອງລັດຖະບານ ກ່ຽວກັບການພັດທະນາເຂດທົ່ງພຽງແຕ່ນໍ້າຂອງແບບຍືນຍົງ ເພື່ອຮັບມືກັບການປ່ຽນແປງຂອງດິນຟ້າອາກາດ. ສະພາແຫ່ງຊາດ, ລັດຖະບານ ຈະສືບຕໍ່ສົມທົບກັນໃນການຍູ້ໄວຄວາມຄືບໜ້າ, ແກ້ໄຂຂໍ້ຕິດຂັດໃນການພັດທະນາພື້ນຖານໂຄງລ່າງ, ຄົມມະນາຄົມຢູ່ຂົງເຂດນີ້.
 (ແຫຼ່ງຄັດຈາກ VOV)