ຂ່າວສານ

ປະທານສະພາແຫ່ງຊາດ ຫວຽດນາມ ເລີ່ມຕົ້ນການຢ້ຽມຢາມ 3 ປະເທດເອີລົບຢ່າງເປັນທາງການ

07/04/2017

ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ
ຢ້ຽມຢາມລາຊະອານາຈັກ ຊູແອັດ

ວັນທີ 06/04 ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ເດີນທາງອອກຈາກ ຮ່າໂນ້ຍ ເລີ່ມຕົ້ນການຢ້ຽມຢາມ 3 ປະເທດເອີລົບຢ່າງເປັນທາງການນັ້ນແມ່ນ: ລາຊະອານາຈັກ ຊູແອັດ, ຮຸງກາຣີ ແລະ ສ.ເຊັກໂກ. ການຢ້ຽມຢາມຈະດຳເນີນແຕ່ວັນທີ 06 – 14/04, ເຊິ່ງໄດ້ປະຕິບັດຕາມຄຳເຊີນຂອງປະທານສະພາແຫ່ງຊາດ ລາຊະອານາຈັກ ຊູແອັດ, ປະທານສະພາແຫ່ງຊາດ ຮຸງກາຣີ ແລະ ປະທານສະພາສູງ ສ.ເຊັກໂກ.
ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ຈະຢ້ຽມຢາມລາຊະອານາຈັກ ຊູແອັດ ເປັນປະເທດທຳອິດ. ການພົວພັນລະຫວ່າງສະພາແຫ່ງຊາດ 2 ປະເທດໃນໄລຍະຜ່ານມາໄດ້ພັດທະນາຢ່າງຕັ້ງໜ້າ. 2 ຝ່າຍໄດ້ມີບັນດາການພົບປະແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ. ຕ້ອນຮັບຄະນະຢູ່ສະໜາມບິນສາກົນ Arlanda, Stockholm ມີທ່ານຮອງເລຂາທິການໃຫຍ່ສະພາແຫ່ງຊາດ, ທ່ານຫົວໜ້າກົມພົວພັນສາກົນຂອງສະພາແຫ່ງຊາດ ຊູແອັດ ແລະ ເອກອັກຄະລັດຖະທູດ ຫວຽດນາມ ປະຈຳ ຊູແອັດ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.