ທ່ານ Toshimitsu Motegi ແລະ ທ່ານ ເຈີ່ນດ້າຍກວາງ
ທີ່ການຕ້ອນຮັບທ່ານ Toshimitsu Motegi, ລັດຖະມົນຕີກະຊວງສ້າງເສດຖະກິດຄືນໃໝ່ ຍີ່ປຸ່ນ, ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ, ຕອນເຊົ້າວັນທີ 7 ພະຈິກ, ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ ນະໂຍບາຍຢ່າງສະເໝີຕົ້ນສະເໝີປາຍຂອງ ຫວຽດນາມ ແມ່ນຖື ຍີ່ປຸ່ນ ແມ່ນຄູ່ຮ່ວມມືສຳຄັນແຖວໜ້າ ແລະ ຍາວນານ. ທ່ານປະທານປະເທດ ຖືວ່າ ຫວຽດນາມ ແລະ ຍີ່ປຸ່ນ ມີຫຼາຍຈຸດທີ່ຄ້າຍຄືກັນ, ພ້ອມກັນແບ່ງປັນຫຼາຍຜົນປະໂຫຍດ ແລະ ບັນຫາຕ່າງໆທີ່ຕ່າງຝ່າຍຕ່າງມີຄວາມສົນໃຈ, ມີຄວາມໄວ້ເນື້ອເຊື່ອໃຈດ້ານການເມືອງສູງ ແລະ ນີ້ແມ່ນພື້ນຖານໜັກແໜ້ນ ໃຫ້ແກ່ການຊຸກຍູ້ການຮ່ວມມືແໜ້ນແຟ້ນ, ຕ່າງຝ່າຍຕ່າງມີຜົນປະໂຫຍດລະຫວ່າງ 2 ປະເທດໃນໄລຍະຈະມາເຖິງ.
ທ່ານປະທານປະເທດ ຢືນຢັນວ່າ: ຫວຽດນາມ ສະໜັບສະໜູນ, ສ້າງເງື່ອນໄຂສະດວກໃຫ້ແກ່ ບັນດານັກລົງທຶນ ຍີ່ປຸ່ນ ທຳມາຫາກິນ ຢ່າງສະດວກຢູ່ ຫວຽດນາມ; ເຊື່ອໝັ້ນວ່າ ການຢ້ຽມຢາມ ນີ້ຂອງທ່ານລັດຖະມົນຕີ ສວມບົດບາດສຳຄັນປະກອບສ່ວນຊຸກຍູ້ການພົວພັນ 2 ຝ່າຍ.ສ່ວນທ່ານ Toshimitsu Motegi ໃຫ້ຮູ້ວ່າ: ມີຫຼາຍນັກລົງທຶນ ຍີ່ປຸ່ນ ສົນໃຈຢາກລົງທຶນຢູ່ ຫວຽດນາມ, ປາດຖະໜາວ່າ ບັນດາອົງການກ່ຽວຂ້ອງຂອງ 2 ປະເທດສືບຕໍ່ສ້າງເງື່ອນໄຂສະດວກທີ່ສຸດເພື່ອຮ່ວມມືລະຫວ່າງ ບັນດາວິສາຫະກິດ.
(ແຫຼ່ງຄັດຈາກ VOV)
