ປະທານປະເທດເຈີ່ນດ້າຍກວາງ ກວດກາວຽກງານກະກຽມສັບປະດາສຸດຍອດ APEC 2017 ຢູ່ງດ່ານັ້ງ
ທ່ານປະທານປະເທດ ເຈີ່ນດ້າຍກວາງ ທີ່ການເຮັດວຽກ
ວັນທີ 18/4, ຢູ່ນະຄອນ ດ່ານັ້ງ, ທ່ານປະທານປະເທດ ເຈີ່ນດ້າຍກວາງ ແລະ ຄະນະປະຕິບັດງານ ໄດ້ລົງຢ້ຽມຢາມ, ເຮັດວຽກຢູ່ບັນດາກິດຈະກຳຮັບໃຊ້ສັບປະດາສຸດຍອດ APEC 2017. ເມື່ອເຮັດວຽກກັບຄະນະກຳມະການແຫ່ງຊາດ APEC 2017, ຄະນະກຳມະການປະຊາຊົນນະຄອນ ດ່ານັ້ງ ກ່ຽວກັບວຽກງານກະກຽມໃຫ້ແກ່ສັບປະດາສຸດຍອດ APEC 2017, ທ່ານປະທານປະເທດ ເຈີ່ນດ້າຍກວາງ ໄດ້ຊີ້ແຈ້ງວ່າ: ການຈັດຕັ້ງປີ APEC 2017 ແມ່ນຈຸດສຸມຂອງການພົວພັນຕ່າງປະເທດຂອງປະເທດຊາດໃນໄລຍະໃໝ່, ສະແດງແນວທາງເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຢ່າງກ້ວາງຂວາງຂອງພັກ, ລັດ ຫວຽດນາມ, ແມ່ນກາລະໂອກາດເພື່ອໃຫ້ປະເທດຊາດເພີ່ມທະວີການທູດຫຼາຍຝ່າຍ, ເຮັດໃຫ້ການພົວພັນ 2 ຝ່າຍກັບບັນດາຄູ່ຮ່ວມມືແຖວໜ້າຢູ່ພາກພື້ນ ແລະ ຢູ່ໃນໂລກເລິກເຊິ່ງກ່ວາອີກ, ນຳມາເຊິ່ງບັນດາຜົນປະໂຫຍດແທດຈິງກ່ຽວກັບການເມືອງ, ເສດຖະກິດ - ສັງຄົມ, ການຄ້າ ແລະ ຍົກສູງທີ່ຕັ້ງບົດບາດສາກົນຂອງປະເທດຊາດ. ທ່ານປະທານປະເທດ ເຈີ່ນດ້າຍກວາງ ສະເໜີ ໃຫ້ບັນດາອະນຸກຳມະການໃນຄະນະກຳມະການແຫ່ງຊາດ APEC 2017 ແລະ ນະຄອນ ດ່ານັ້ງ ຕ້ອງຍູ້ໄວຄວາມຄືບໜ້າໃນການກໍ່ສ້າງ, ຮັບປະກັນປະຕິບັດສຳເລັດຕາມແຜນການ ແລະ ຄຸນນະພາບຂອງກິດຈະກຳ…
(ແຫຼ່ງຄັດຈາກ VOV)