ປະທານປະເທດເຈີນດ້າຍກວາງພົບປະກັບນັກທຸລະກິດດີເດັ່ນ 115 ຄົນ
ປະທານປະເທດເຈີນດ້າຍກວາງພົບປະກັບນັກທຸລະກິດດີເດັ່ນ 115 ຄົນ
ທ່ານປະທານປະເທດເຈີນດ້າຍກວາງພົບປະກັບນັກທຸລະກິດດີເດັ່ນ 115 ຄົນ ໃນຕອນເຊົ້າວັນທີ 7/1 ຢູ່ຮ່າໂນ້ຍ. ນີ້ແມ່ນບັນດາວິສາຫະກິດ, ນັກທຸລະກິດທີ່ດີເດັ່ນ ແລະ ນຳໜ້າໃນຂະບວນວິວັດເຊື່ອມໂຍງເຂົ້າກັບສາກົນຂອງຫວຽດນາມ. ກ່າວຄຳເຫັນທີ່ການພົບປະ, ປະທານປະເທດເຈີນດ້າຍກວາງໄດ້ສະເໜີ ບັນດາວິສາຫະກິດ, ນັກທຸລະກິດຄວນອອກແຮງສູ້ຊົນສ້າງເຄື່ອງໝາຍການຄ້າຫວຽດນາມບົນເວທີສາກົນ, ເປັນເຈົ້າຂອງຕະຫຼາດພາຍໃນປະເທດ ແລະ ໄລຍະທີ່ຈະມາເຖິງ, ຖັນແຖວນັກທຸລະກິດ, ວິສາຫະກິດຈະບັນລຸລະດັບພາກພື້ນ, ບືນຕົວອອກສູ່ໂລກເທື່ອລະກ້າວ. ທ່ານປະທານປະເທດເຈີນດ້າຍກວາງກ່າວວ່າ :
“ ຂ້າພະເຈົ້າຫວັງວ່າ ບັນດາວິສາຫະກິດ, ນັກທຸລະກິດຫວຽດນາມຕ້ອງເປັນເຈົ້າການສ້າງບັນດາໂຄງການເຄືຶ່ອນໄຫວລະອຽດ, ພິເສດແມ່ນເອົາໃຈໃສ່ເຖິງຍຸດທະສາດການຜະລິດ ດຳເນີນທຸລະກິດ ແລະ ພັດທະນາຕະຫຼາດ; ສືບຕໍ່ເສີມຂະຫຍາຍກຳລັງພາຍໃນ ແລະ ທ່າໄດ້ປຽບ, ຍາດແຍ່ງແຫຼ່ງທຶນຈາກພາຍນອກ, ຮັບເອົາການຖ່າຍທອດເຕັກໂນໂລຢີໃໝ່, ບົດຮຽນຄຸ້ມຄອງທີ່ກ້າວໜ້າ, ຍົກສູງຄວາມສາມາດແກ່ງແຍ້ງຂອງສິນຄ້າ, ການບໍລິການເພື່ອຢັ້ງຢືນເຄື່ອງໝາຍການຄ້າບົນຕະຫຼາດສາກົນ ”.
(ແຫຼ່ງຄັດຈາກ VOV)