06/05/2021 09:07 GMT+7 Email Print Like 0

ປະຊາຄົມສາກົນ ຕຳໜິຕິຕຽນການກະທໍາຂອງ ຈີນ ຢູ່ ທະເລຕາເວັນອອກ ເຊິ່ງໄດ້ກໍ່ຄວາມສັບສົນແກ່ສະພາບການໃນພາກພື້ນ

      ໃນຊຸມວັນຜ່ານມາ, ປະຊາຄົມສາກົນ ໄດ້ສະແດງທັດສະນະຄັດຄ້ານບັນດາການກະທຳຫຼ້າສຸດຂອງ ຈີນ ຢູ່ ທະເລຕາເວັນອອກ, ໃນນັ້ນ ມີການຖະແຫຼງການຮັບປະກັນການປະຕິບັດຄຳສັ່ງຫ້າມຈັບຫາປາ ເຊິ່ງໄດ້ມີຜົນສັກສິດແຕ່ວັນທີ 1 ພຶດສະພາ 2021 ໃນເຂດທະເລທີ່ມີຂອບເຂດລວມທັງ ເຂດອ່າວພາກເໜືອ ແລະ ໝູ່ເກາະ ຮວ່າງຊາ ຂຶ້ນກັບອະທິປະໄຕຂອງ ຫວຽດນາມ, ສືບຕໍ່ຈັດສົ່ງກ່ຳປັ່ນມາເຄື່ອນໄຫວຢູ່ ຫາດບາເດົ່າ ຂຶ້ນກັບໝູ່ເກາະ ເຈື່ອງຊາ ຂອງ ຫວຽດນາມ.
ກໍ່າປັ່ນ ຈີນ ເຄື່ອນໄຫວຢູ່ ທະເລຕາເວັນອອກ (ພາບ: AFP/TTXVN)
      ຟີລິບປິນ ໄດ້ຍື່ນສະເໜີຈົດໝາຍທາງການວ່າດ້ວຍການຄັດຄ້ານ ຕື່ມອີກ 2 ສະບັບ, ໂດຍຖືວ່າ ບັນດາການເຄື່ອນໄຫວຂອງ ຈີນ ຢູ່ທະເລຕາເວັນອອກ ໄດ້ກໍ່ຄວາມຂາດສະຖຽນລະພາບ ແລະ ສົ່ງຜົນເສຍຫາຍຕໍ່ການຊຸກຍູ້ການສ້າງສັນຕິພາບ ແລະ ສະຖຽນລະພາບໃນພາກພື້ນ ພ້ອມທັງ ຮຽກຮ້ອງ ປັກກິ່ງ ຕ້ອງເຄົາລົບ UNCLOS 1982.
ໃນປຶ້ມປົກຂຽວການທູດ ປີ 2021 ທີ່ຫາກໍປະກາດຫວ່າງມໍ່ໆມານີ້, ລັດຖະບານ ຍີ່ປຸ່ນ ໄດ້ເນັ້ນໜັກເຖິງຄວາມວິຕົກກັງວົນຕໍ່ການເຄື່ອນໄຫວຂະຫຍາຍການທະຫານຂອງ ຈີນ ກໍຄືບັນດາການເຄື່ອນໄຫວທີ່ນັບມື້ນັບເພີ່ມຂຶ້ນຂອງປະເທດນີ້ ຢູ່ ທະເລຕາເວັນອອກ ແລະ ທະເລຮວາຕຸງ.
            ໃນຂະນະນັ້ນ, ສະຫະພາບເອີຣົບ (ອີຢູ) ໄດ້ສະແດງຄວາມວິຕົກກັງວົນຕໍ່ການເຄື່ອນໄຫວຂອງກ່ຳປັ່ນ ຈີນ ຢູ່ເຂດຕ່າງໆໃນທະເລຕາເວັນອອກ ອັນໄດ້ນາບຂູ່ເຖິງສັນຕິພາບ ແລະ ສະຖຽນລະພາບໃນພາກພື້ນ. ອີຢູ ຊີ້ແຈ້ງເຖິງການສະໜັບສະໜູນວິວັດການໂດຍ ອາຊຽນ ນຳພາ ແນໃສ່ມຸ່ງໄປເຖິງກົດແຫ່ງການປະພຶດຂອງບັນດາຝ່າຍຢູ່ ທະເລຕາເວັນອອກ (COC) ຢ່າງມີປະສິດທິຜົນ, ແທດຈິງ ແລະ ມີລັກສະນະຜູກມັດທາງນິຕິກຳ, ບໍ່ກໍ່ຜົນເສຍຫາຍຕໍ່ຜົນປະໂຫຍດຂອງບັນດາຝ່າຍທີສາມ. 
 (ແຫຼ່ງຄັດຈາກ VOV)