(ພິທີມອບເຄື່ອງອຸປະກອນການແພດໃຫ້ແກ່ປະເທດລາວ)

ຕໍ່ໜ້າສະພາບການໂລກລະບາດໂຄວິດ-19 ພວມຜັນແປໄປຢ່າງສັບສົນ, ກໍ່ຄວາມເສຍຫາຍຢ່າງໃຫຍ່ຫຼວງເຖິງທົ່ວໂລກ ແລະ ປະຊາຊົນບັນດາປະເທດນັ້ນ, ທ່ານ ຮ່ວາງບິ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກຄອມມູນິດຫວຽດນາມ ໄດ້ສົ່ງຈົດໝາຍຢື້ຢາມຖາມຂ່າວບັນດາພັກການເມືອງໃນໂລກ, ແບ່ງປັນຂໍ້ມູນຂ່າວສານກ່ຽວກັບສະພາບການ ແລະ ບັນດາມາດຕະການປ້ອງກັນ, ຕ້ານໂລກລະບາດຂອງຫວຽດນາມ, ພ້ອມທັງສະເໜີບັນດາມາດຕະການຮ່ວມມືລະຫວ່າງບັນດາພັກການເມືອງ ແລະ ບັນດາປະເທດ, ພ້ອມກັນສາມັກຄີ, ຜ່ານຜ່າໂລກລະບາດ.

ບັນດາພັກການເມືອງໃນໂລກກໍ່ສົ່ງຈົດໝາຍ, ໂທລະເລກເຖິງພັກກອມມູນິດຫວຽດນາມ, ຕີລາຄາສູງບັນດາຄວາມມານະພະຍາຍາມ ແລະ ບັນດາມາດຕະການຢ່າງຂ້ຽວຂາດ, ມີປະສິດທິຜົນຂອງພັກ ແລະ ລັດຖະບານຫວຽດນາມ ໃນເລື່ອງສະກັດກັ້ນ, ຄວບຄຸມໂລກລະບາດທີ່ບັນລຸໄດ້ບັນດາໝາກຜົນຕັ້ງໜ້າຫຼາຍຢ່າງໃນໄລຍະຜ່ານມາ.

 (ແຫຼ່ງຄັດຈາກ VOV)