08/09/2019 08:19 GMT+7 Email Print Like 0

ບັນດາປະເທດອາເມລິກາໃຕ້ເຊັນຂໍ້ຕົກລົງສົມທົບກັນປົກປັກຮັກສາປ່າ Amazon

      ວັນທີ 6 ກັນຍາ, 7 ປະເທດມີປ່າ Amazon ຢູ່ອາເມລິກາໃຕ້ ໄດ້ເຊັນຂໍ້ຕົກລົງສະບັບໜຶ່ງເພື່ອແນໃສ່ປົກປັກຮັກສາປ່າເຂດຮ້ອນແຫ່ງໃຫ່ຍກ່ວາໝູ່ໃນໂລກນີ້.

ໄຟໄໝ້ປ່າ Amazon ຢູ່ປະເທດບຼຊິນ (ພາບ: AFP/TTXVN)
      ກ່າວຄຳເຫັນທີ່ພິທີເຊັນຂໍ້ຕົກລົງຢູ່ນະຄອນ Leticia ທາງທິດໃຕ້ປະເທດ Colombia ທ່ານປະທານາທິບໍດີ Colombia Ivan Duque ໃຫ້ຮູ້ວ່າ ການນຳປະເທດຕ່າງໆຈະພົບປະກັນໃນການເຄື່ອນໄຫວຢູ່ນອກກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງ ສປຊ ໃນເດືອນທັນວາທີ່ຈະມາເຖິງ.
   ຕາມຂໍ້ຕົກລົງຫາກໍ່ໄດ້ເຊັນນັ້ນ, ປະເທດຕ່າງໆຈະສ້າງຕັ້ງລະບົບຮັບມືກັບໄພທຳມະຊາດເພື່ອສາມາດສົມທົບກັນເປັນຢ່າງດີກ່ວາອີກ ຄືໃນກໍລະນີເກີດໄຟໄໝ້ປ່າຂະໜາດໃຫ່ຍ. ຂໍ້ຕົກລົງດັ່ງກ່າວກໍ່ຈະຊຸກຍູ້ບັນດາຂໍ້ລິເລີ່ມປູກປ່າ, ເພີ່ມການເຄື່ອນໄຫວຕິດຕາມບັນດາບັນຫາຢູ່ປ່າ Amazon ຜ່ານດາວທຽມ. ນອກຈາກນັ້ນແລ້ວ, ປະເທດຕ່າງໆກໍ່ເຫັນດີເປັນເອກະສັນຈະແບ່ງປັນຂໍ້ມູນຂ່າວສານກ່ຽວກັບບັນດາການເຄື່ອນໄຫວຜິດກົດໝາຍຢູ່ປ່າ Amazon ຄື: ການຂຸດຄົ້ນແຮ່ທາດຢ່າງຜິດກົດໝາຍ.
 (ແຫຼ່ງຄັດຈາກ VOV)