ຂ່າວສານ

ນາຍົກລັດຖະມົນຕີ ຫງວຽນຊວັນຟຸກ ລົງກວດກາຄວາມຄືບໜ້າໂຄງການກໍ່ສ້າງເສັ້ນທາງດ່ວນ ຈຸງເລືອງ - ມີ້ທ້ວນ

28/09/2019

ຕອນເຊົ້າວັນທີ 27 ກັນຍາ, ຢູ່ ຕຽນຢາງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ທ່ານຮອງນາຍົກລັດຖະມົນຕີ ຈິ້ງດິ່ງຢຸ້ງ ໄດ້ລົງໄປກວດກາຄວາມຄືບໜ້າໂຄງການກໍ່ສ້າງເສັ້ນທາງດ່ວນຈຸງເລືອງ - ມີ້ທ້ວນ.

ທ່ານນາຍົກລັດຖະມົນຕີ ໃຫ້ກຳລັງໃຈແກ່ບັນດາຫົວໜ່ວຍກໍ່ສ້າງ (ພາບ:TTXVN)

ໃນການແລກປ່ຽນຢູ່ສະຖານທີ່ກໍ່ສ້າງ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ສະເໜີໃຫ້ເຈົ້າຂອງໂຄງການລົງທຶນ, ຫົວໜ່ວຍດຳເນີນການກໍ່ສ້າງຈົ່ງມານະພະຍາຍາມສູ້ຊົນຮັບປະກັນຄວາມຄືບໜ້າທະລຸເສັ້ນທາງໃນທ້າຍປີ 2020 ແລະ ເປີດສະຫຼອງ ໃນປີ 2021 ແລະ ກໍ່ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ລົງກວດກາສະພາບດິນເຊາະເຈື່ອນຢູ່ລະບົບຄັນຄູທະເລຈຳນວນໜຶ່ງຢູ່ ແຂວງ ຕຽນຢາງ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.