ນາຍົກລັດຖະມົນຕີຫງວຽນຊວນຟຸກຕ້ອນຮັບປະທານກຸ່ມບໍລິສັດການເງິນ KB Kookmin,ສ.ເກົາຫຼີ
(ທ່ານນາຍົກລັດຖະມົນຕີຫງວຽນຊວນຟຸກ ຕ້ອນຮັບ
ທ່ານປະທານກຸ່ມບໍລິສັດການເງິນ KB Kookmin,ສ.ເກົາຫຼີ Yoon Jong kyoo)
ຕອນບ່າຍວັນທີ 11/02, ຢູ່ສຳນັກງານລັດຖະບານ, ທ່ານ ນາຍົກລັດຖະມົນຕີຫງວຽນຊວນຟຸກ ໄດ້ຕ້ອນຮັບທ່ານປະທານກຸ່ມບໍລິສັດການເງິນ KB Kookmin,ສ.ເກົາຫຼີ Yoon Jong kyoo. ທີ່ການຕ້ອນຮັບ, ທ່ານປະທານກຸ່ມບໍລິສັດການເງິນ KB Kookmin ສະແດງຄວາມປາດຖະໜາຢາກເປີດກວ້າງການເຄື່ອນໄຫວລົງທຶນ, ດຳເນີນທຸລະກິດຢູ່ຫວຽດນາມ ໃນທຸກຂົງເຂດ ເຊິ່ງກຸ່ມບໍລິສັດມີທ່າແຮງຄື ການເງິນ, ທະນາຄານ, ອະສັງຫາລິມະຊັບ, ປະກັນໄພ, ພິເສດແມ່ນພັດທະນາເຮືອນຢູ່ສັງຄົມ. ທ່ານ Yoon Jong kyoo ຢືນຢັນວ່າ, ຈະຕັ້ງໜ້າຊອກຮູ້ບັນດາໂຄງການ ແລະ ກາລະໂອກາດລົງທຶນຢູ່ຫວຽດນາມ, ຄຽງຂ້າງນັ້ນ, ຈະຈັດຕັ້ງບັນດາການເຄື່ອນໄຫວສັງຄົມຢູ່ຫວຽດນາມ ຄືໜູນຊ່ວຍຊາວໜຸ່ມເລ່ີ່ມທຸລະກິດ.
ທ່ານນາຍົກລັດຖະມົນຕີ ໄດ້ຕີລາຄາສູງເຈດຕະນາດີຂອງກຸ່ມບໍລິສັດ ກ່ຽວກັບບົດຮຽນ, ເຄັດລັບໃນການພັດທະນາ, ພິເສດແມ່ນໃນຂົງເຂດເຮືອນຢູ່ສັງຄົມ. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ຊົມເຊີຍກຸ່ມບໍລິສັດເຂົ້າຮ່ວມການໜູນຊ່ວຍກັບຂະບວນການເລີ່ມທຸລະກິດຂອງໄວໜຸ່ມ ກໍຄືຊົມເຊີຍເລື່ອງ KB Kookmin ຕັ້ງໜ້າເຂົ້າຮ່ວມການສ້າງໂຄງປະກອບບັນດາທະນາຄານການຄ້າຢູ່ຫວຽດນາມ ຄືນໃໝ່, ນັບທັງການຊື້ທະນາຄານຢູ່ຫວຽດນາມ. ທ່ານນາຍົກລັດຖະມົນຕີ ຢືນຢັນວ່າ ລັດຖະບານຫວຽດນາມ ຈະສ້າງເງື່ອນໄຂລົງທຶນສະດວກທີ່ສຸດໃຫ້ບັນດານັກລົງທຶນຕ່າງປະເທດ, ໃນນັ້ນມີກຸ່ມບໍລິສັດ KB Kookmin.
(ແຫຼ່ງຄັດຈາກ VOV)