ທ່ານນາຍົກລັດຖະມົນຕີ ກຳປູເຈຍ Samdec Hunsen ພົບປະ
ກັບທະຫານອາສາສະໝັກຫວຽດນາມ. ພາບ:vietnamnet
ຕອນບ່າຍວັນທີ 21/12, ຢູ່ກອງບັນຊາການທະຫານເຂດ 7, ທ່ານນາຍົກລັດຖະມົນຕີ ກຳປູເຈຍ Samdec Hunsen ໄດ້ພົບປະສັງສັນກັບທະຫານອາສາສະໝັກ ຫວຽດນາມ ປະຕິບັດຫນ້າທີ່ສາກົນຢູ່ກຳປູເຈຍ ຜ່ານແຕ່ລະໄລຍະ. ທີ່ການພົບປະສັງສັນ, ທ່ານນາຍົກລັດຖະມົນຕີ ກຳປູເຈຍ Samdec Hunsen ເນັ້ນຫນັກວ່າ: ທ່ານມີຄວາມຮັບຮູ້ ແລະ ເອກອ້າງທະນົງໃຈກ່ຽວກັບສິ່ງທີ່ທະຫານອາສາສະໝັກຫວຽດນາມ, ພັກ ແລະ ລັດຫວຽດນາມ ສະຫງວນໃຫ້ແກ່ປະຊາຊົນ ກຳປູເຈຍ, ກ່ຽວກັບການພົວພັນສາມັກຄີມິດຕະພາບລະຫວ່າງ ສອງປະເທດ. 38 ປີພາຍຫລັງຫລຸດພົ້ນອອກຈາກໄພດັບສູນ, ປະເທດ ກຳປູເຈຍ ພວມຟື້ນຕົວ ແລະ ພັດທະນາໃນທຸກດ້ານ, ການພົວພັນລະຫວ່າງສອງປະເທດ ຫວຽດນາມ ແລະ ກຳປູເຈຍ ນັບມື້ນັບແຫນ້ນແຟ້ນ. ຕາງຫນ້າໃຫ້ບັນດາທະຫານອາສາສະໝັກຫວຽດນາມ, ພົນໂຕ ຈ້ຽວຊວນຮ່ວາ, ວິລະຊົນກຳລັງປະກອບອາວຸດປະຊາຊົນ, ອະດີດຜູ້ບັນຊາການທະຫານເຂດ 7 ໄດ້ເນັ້ນຫນັກວ່າ:ກັບທະຫານອາສາສະໝັກຫວຽດນາມ. ພາບ:vietnamnet
“ປະຈຸບັນ, ບັນດາກຳລັງທີ່ເປັນປໍລະປັກພວມຊອກທຸກວິທີແບ່ງແຍກຄວາມສາມັກຄີ, ມິດຕະພາບ, ການຮ່ວມມື, ພັດທະນາລະຫວ່າງ 3 ປະເທດ ອິນດູຈີນ, ພວກຂ້າພະເຈົ້າໝັ້ນໝາຍຈະເຮັດຈົນສຸດຄວາມສາມາດຂອງຕົນພ້ອມກັບປະຊາຊົນ ຫວຽດນາມ ແລະ ກຳປູເຈຍ, ລາວ ເດັດດ່ຽວຕໍ່ສູ້ເຮັດໃຫ້ກົນອຸບາຍນັ້ນປະລາໄຊ. ພ້ອມທັງເພີ່ມພູນຄູນສ້າງ, ຮັກສາ ແລະ ເສີມຂະຫຍາຍມູນເຊື້ອສາມັກຄີ, ມິດຕະພາບລະຫວ່າງສອງຊາດ ຫວຽດນາມ -ກຳປູເຈຍ ຢ່າງບໍ່ຢຸດຢັ້ງ.”
(ແຫຼ່ງຄັດຈາກ VOV)
