ໃນ​ຂອບ​ເຂ​ດການ​ຢ້ຽມຢາມ ​ແລະ ​ເຮັດ​ວຽກ​ຢູ່ ຫວຽດນາມ, ວັນ​ທີ 21/12 ທ່ານ​ນາຍົກລັດຖະມົນຕີ ກຳປູ​ເຈຍ Samdec Hun Sen ​ໄດ້​​ໄປຢ​້ຽມຢາມ​ນະຄອນ ​ໂຮ່ຈີ​ມິນ ​ແລະ ​ແຂວງ ດົ່ງ​ນາຍ. ຕອນ​ເຊົ້າ​ວັນ​ທີ 21/12 ທ່ານ​ນາຍົກລັດຖະມົນຕີ ກຳປູ​ເຈຍ Samdec Hun Sen ​ໄປ​ຢ້ຽມຢາມ​ເຂດ​ປູ​ຊະນີຍະ​​ສະ​ຖານ​ປະ​ຫວັດ​ສາດ​ກອງ 125 ຢູ່ຕາ​ແສງ ລອງ​ຢາ​ວ, ​ເມືອງ ​ເກີ​ມໝີ, ​ແຂວງ ດົ່ງ​ນາຍ. ກອງ 125 ​ແມ່ນຕົ້ນ​ກຳ​ເນີ​ດຂອງ​ກຳລັງ​ປະກອບ​ອາວຸດ​ສາມັກຄີ​ກູ້​ຊາດ ກຳປູ​ເຈຍ. ​ ນີ້​ແມ່ນ​ແຫ່ງ​ປົງ​ສົບ​ນັກຮົບ ກຳປູ​ເຈຍ 49 ຄົນ. ເຂດ​ປູຊະນີຍະ​​ສະ​ຖານ​ປະ​ຫວັດ​ສາດ​ກອງ 125 ​ຖືກ​ລັດ ຫວຽດນາມ ຈັດ​ອັນ​ດັບ​ເປັນເຂດ​ປູຊະນີຍະ​​ສະ​ຖານ​ປະ​ຫວັດ​ສາດຂັ້ນ​ລະດັບ​ຊາດ, ສະ​ແດງ​​ໃຫ້​ເຫັນຄວາມ​ເອົາ​ໃຈ​ໃສ່​ຂອງ​ພັກ, ລັດ ຫວຽດນາມ ​ໃນ​ການຮັກສາ​ບູລະນະ ​ແລະ ​ເສີມ​ຂະຫຍາຍ​ຄຸນຄ່າ​ເຂດ ປູຊະນີຍະ​​ສະ​ຖານ, ​ແມ່ນ​ສັນຍາ​ລັກ​ແຫ່ງ​ນ້ຳ​ໃຈ​ສາມັກຄີ​ມິດຕະພາບ ຫວຽດນາມ - ກຳປູ​ເຈຍ.
        ​​ແລະ​ກໍ່​ໃນ​ວັນ​ດຽວ​ກັນ ທ່ານ​ນາຍົກລັດຖະມົນຕີ ກຳປູ​ເຈຍ Samdec Hun Sen ມີ​ການ​ພົບ​ປະ​ກັບ​ການ​ນຳ​ນະຄອນ ​ໂຮ່ຈີ​ມິນ; ຢ້ຽມຢາມ​ທະຫານເຂດ​ 7 ​ແລະ ພົບ​ປະ​ຜູ້​ແທນ​ເປັນ​ນັກຮົບ​ເກົ່າ​ອາສາ​ສະໝັກ ຫວຽດນາມ ​ທີ່​ເຄີຍ​ປະຕິບັດ​ພັນທະ​ສາກົນ​ຢູ່ ກຳປູ​ເຈຍ.