(ພາບປະກອບ)
ໂຄງການກໍ່ສ້າງຊົນນະບົດໃໝ່ມີຈຸດໝາຍລວມແມ່ນ: ກໍ່ສ້າງຊົນນະບົດໃໝ່ເພື່ອຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ; ມີພື້ນຖານໂຄງລ່າງເສດຖະກິດ - ສັງຄົມທີ່ເໝາະສົມ; ມີໂຄງປະກອບເສດຖະກິດ ແລະ ບັນດາຮູບການຈັດຕັ້ງການຜະລິດໃຫ້ເໝາະສົມ, ພັດທະນາກະສິກຳຕິດພັນກັບອຸດສາຫະກຳ; ການບໍລິການ; ການພັດທະນາຊົນນະບົດຕິດພັນກັບຕົວເມືອງ; ສັງຄົມຊົນນະບົດອະທິປະໄຕ, ສະເໝີພາບ, ສະຖຽນລະພາບ, ມີສີສັນວັດທະນະທຳຂອງຊາດຫຼາຍຢ່າງ; ການປ້ອງກັນຊາດ ແລະ ປ້ອງກັນຄວາມສະຫງົບໄດ້ຮັບການຮັກສາໄວ້ຢ່າງໝັ້ນຄົງ… ໂຄງການໄດ້ກໍ່ວາງຄາດໝາຍລະອຽດຮອດປີ 2020 ຈຳນວນຕາແສງບັນລຸມາດຕະຖານຊົນນະບົດໃໝ່ບັນລຸປະມານ 50% ; ສົ່ງເສີມແຕ່ລະແຂວງ, ນະຄອນຂຶ້ນກັບສູນກາງ ສູ້ຊົນຢ່າງນ້ອຍສຸດມີ 1 ເມືອງບັນລຸມາດຖານຊົນນະບົດໃໝ່. ຄິດສະເລ່ຍທົ່ວປະເທດບັນລຸ 15 ມາດຕະຖານ/ຕາແສງ; ທົ່ວປະເທດບໍ່ມີຕາແສງໄດ້ບັນລຸ ຕ່ຳກວ່າ 5 ມາດຕະຖານ. ສ້າງສຳເລດບັນດາກິດຈະກຳທີ່ຈຳເປັນໂດຍພື້ນຖານ ຕອບສະໜອງຄວາມຮຽກຮ້ອງພັດທະນາການຜະລິດ ແລະ ຊີວິດການເປັນຢູ່ຂອງປະຊາຊົນເຂດຊົນນະບົດຄື; ທາງຄົມມະນາຄົມ, ໄຟຟ້າ, ນ້ຳສະອາດ, ໂຮງຮຽນ, ສຸກສາລາຕາແສງ. ຍົກສູງຄຸນນະພາບຊີວິດການເປັນຢູ່ຂອງປະຊາຊົນເຂດຊົນນະບົດ; ສ້າງບັນດາຮູບແບບການຜະລິດ ຕິດພັນກັບວຽກເຮັດງານທຳເປັນປົກກະຕິໃຫ້ປະຊາຊົນ, ລາຍຮັບເພີ່ມຂຶ້ນຢ່າງໜ້ອຍສຸດ 1,8 ເທົ່າເມື່ອທຽບໃສ່ປີ 2015.
(ແຫຼ່ງຄັດຈາກ VOV)
