ທ່ານ ຫງວຽນ​ແທງ​ຟອງ ແລະ ທ່ານ Keith Pitt
(ພາບ: TTXVN)

      ທີ່​ການ​ຕ້ອນຮັບ​ທ່ານ Keith Pitt, ຮອງ​ລັດຖະມົນຕີ​ກະຊວງການ​ຄ້າ, ທ່ອງທ່ຽວ ​ແລະ ລົງທຶນ ອົດ​ສະ​ຕາ​ລີ ​ໃນ​ວັນ​ທີ 05/04, ທ່ານ ຫງວຽນ​ແທງ​ຟອງ ປະທານ​ຄະນະ​ກຳມະການ​ປະຊາຊົນ​ນະຄອນ ​ໂຮ່ຈີ​ມິນ ຖື​ວ່າ: ການ​ປະຕິບັດ​ງານຢູ່ ຫວຽດນາມ ຂອງ​ຄະນະ​ຜູ້​ແທນ ອົດ​ສະ​ຕາ​ລີ ຈະ​ປະກອບສ່ວນ​ຢ່າງ​ຕັ້ງໜ້າ ຍູ້​ແຮງບັນດາ​ການ​ເຄື່ອນ​ໄຫວ​ຮ່ວມ​ມື​ຫລາຍ​ຮູບ​ຫລາຍ​ແບບ​ລະຫວ່າງ 2 ປະ​ເທດ ​ແລະ ລະຫວ່າງ​ບັນດາ​ທ້ອງ​ຖິ່ນ​ຂອງ ​ອົດ​ສະ​ຕາ​ລີ ກັບ​ນະຄອນ ​ໂຮ່ຈີ​ມິນ. ທ່ານ ຫງວຽນ​​ແທງ​ຟອງ ຢືນຢັນ​ວ່າ: ອຳນາດ​ການ​ປົກຄອງ​ນະຄ​ອນພ້ອມ​ແລ້ວ​ທີ່​ຈະ​ຮັບ​ຟັງ, ສ້າງ​ເງື່ອນ​ໄຂ​ສະດວກ​ໃຫ້​ແກ່​ບັນດາ​ນັກ​ລົງທຶນ​ຕ່າງປະ​ເທດ, ​ໃນ​ນັ້ນ ມີ​ບັນດາ​ວິ​ສາ​ຫະກິດ ອົດ​ສະ​ຕາ​ລີ ມາ​ລົງທຶນ, ດຳ​​ເນີນ​ທຸລະ​ກິດ​ຍາວນານ. ນະຄອນ ​ໂຮ່ຈີ​ມິນ ປາດ​ຖະໜາ​ຢາກ​ສືບ​ຕໍ່​ຍູ້​ແຮງ​ບັນດາ​ການ​ເຄື່ອນ​ໄຫວ​ຮ່ວມ​ມື​ກັບ​ບັນ​ດາ​ທ້ອງ​ຖິ່ນ​ຂອງ ອົດ​ສະ​ຕາ​ລີ ​ໃນ​ບັນດາ​ຂົງ​ເຂດ ​ເຊິ່ງ 2 ຝ່າຍ​ມີ​ຄວາມ​ສາມາດ​ບົ່ມ​ຊ້ອນ, ພິ​ເສດ ​ແມ່ນ​​ໃນ​ຂົ​ງ​ເຂດ​ການທ່ອງທ່ຽວ, ການ​ສຶກສາ, ກະສິກຳ​ເຕັກ​ໂນ​ໂລ​ຢີສູງ.

 (ແຫຼ່ງຄັດຈາກ VOV)