19/11/2021 10:46 GMT+7 Email Print Like 0

ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຝູ​ຈ້ອງ: ຄວນ​ສ້າງ​ຈິດ​ໃຈໃໝ່, ​ຕັດ​ສິນ​ໃຈ​ໃໝ່​ໃນ​ການ​ຕໍ່ສູ້​ຕ້ານການ​ສໍ້​ລາດ​ບັງຫຼວງ ແລະ ປະ​ກົດ​ການ​ຫຍໍ້​ທໍ້

ວັນທີ 18 ພະຈິກ, ຢູ່ຮ່າໂນ້ຍ, ຄະນະປະຈຳການຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້ (ຄະນະຊີ້ນຳ) ໄດ້ຈັດຕັ້ງກອງປະຊຸມພາຍໃຕ້ການເປັນປະທານຂອງທ່ານເລຂາທິການໃຫຍ່ ຫງວຽນຝູຈ້ອງ, ຫົວໜ້າຄະນະຊີ້ນຳ.
ທ່ານເລຂາທິການໃຫຍ່ ຫງວຽນຝູຈ້ອງ ກ່າວຄຳເຫັນຊີ້ນຳກອງປະຊຸມ 

ກ່າວຄຳເຫັນສະຫຼຸບກອງປະຊຸມ, ທ່ານເລຂາທິການໃຫຍ່ ຫງວຽນຝູຈ້ອງ, ຫົວໜ້າຄະນະຊີ້ນຳ ໄດ້ຮຽກຮ້ອງໃຫ້ອົງຄະນະພັກ, ອົງການຈັດຕັ້ງພັກທຸກຂັ້ນ ຈົ່ງຜັນຂະຫຍາຍປະຕິບັດໜ້າທີ່ປ້ອງກັນ, ຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້ຢ່າງເຂັ້ມງວດ ແລະ ມີປະສິດທິຜົນ. ທ່ານເລຂາທິການໃຫຍ່ ຫງວຽນຝູຈ້ອງ ຊີ້ແຈ້ງວ່າ, ຕ້ອງສ້າງຈິດໃຈໃໝ່, ມີການຕັດສິນໃຈໃໝ່ໃນການຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້; ເດັດດ່ຽວປ້ອງກັນ, ສະກັດກັ້ນ, ກວດພົບ, ປັບໄໝລົງໂທດກໍລະນີສໍ້ລາດບັງຫຼວງ ແລະ ປະກົດການຫຍໍ້ທໍ້ ໃຫ້ເຂັ້ມງວດເຊິ່ງຈຸດສຸມແມ່ນການເສື່ອມທາດຂາດຄຸນກ່ຽວກັບແນວຄິດການເມືອງ, ຄຸນສົມບັດ, ແບບແຜນດຳລົງຊີວິດໃນໝູ່ພະນັກງານລັດຖະກອນ, ສະມາຊິກພັກ.

        ບົນເນື້ອໃນຈິດໃຈນັ້ນ, ທ່ານເລຂາທິການໃຫຍ່ ຫງວຽນຝູຈ້ອງ ສະເໜີໃຫ້ຍູ້ແຮງວຽກງານການສືບສວນ, ສັ່ງຟ້ອງ, ພິພາກສາກໍລະນີທີ່ຢູ່ໃນການຕິດຕາມ, ຊີ້ນຳຂອງຄະນະ, ສູ້ຊົນປະຕິບັດໜ້າທີ່ປີ 2021 ໃຫ້ສຳເລັດຖືກຕາມແຜນການຂອງຄະນະຊີ້ນຳ; ຮີບເຮັ່ງນຳເອົາຄະດີຈຸດສຸມມາພິພາກສາຂັ້ນຕົ້ນ.

(ແຫຼ່ງຄັດຈາກ VOV)