21/07/2019 10:38 GMT+7 Email Print Like 0

ທ່ານ​ເລ​ຂາ​ທິ​ການ​ໃຫ່​ຍ, ປະ​ທານ​ປະ​ເທດ​ຫງວຽນ​ຝູ​ຈ້ອງ ພົບ​ປະ​ກັບ​ຄະ​ນະ​ຜູ້​ແທນ​ປະ​ທານ​ກຳ​ມະ​ບານ​ຮາກ​ຖານ​ດີ​ເດັ່ນ

ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນສ້າງຕັ້ງອົງການກຳມະບານຫວຽດນາມ (28/7/1929-28/7/2019), ຕອນເຊົ້າວັນທີ 20 ກໍລະກົດ, ຢູ່ທຳນຽບປະທານປະເທດ, ທ່ານເລຂາທິການໃຫ່ຍ, ປະທານປະເທດຫງວຽນຝູຈ້ອງ ໄດ້ພົບປະຢ່າງສະໜິດສະໜົມກັບປະທານກຳມະບານຮາກຖານດີເດັ່ນປີ 2019 ລວມ 90 ຄົນ ແລະ ພະນັກງານກຳມະບານ10 ຄົນ ໄດ້ຮັບລາງວັນຫງວຽນວັນລິນ ຄັ້ງທີ 1.

(
ພາບ: TTXVN)

ຕາງໜ້າໃຫ້ການນຳພັກ, ລັດ, ທ່ານເລຂາທິການໃຫ່ຍ, ປະທານປະເທດຫງວຽນຝູຈ້ອງ ໄດ້ສະແດງຄວາມປິຕິຊົມຊື່ນ, ຮັບຮູ້,  ຍ້ອງຍໍຊົມເຊີຍ ແລະ ຕີລາຄາສູງບັນດາໝາກຜົນ, ການປະກອບສ່ວນຢ່າງຕັ້ງໜ້າຂອງຂະບວນການກຳມະກອນ, ພາລະກອນ, ຜູ້ອອກແຮງງານ ແລະ ການເຄື່ອນໄຫວຂອງອົງການກຳມະບານໃນທົ່ວປະເທດໃນໄລຍະຜ່ານມາ:

   ຊົນຊັ້ນກຳມະກອນຫວຽດນາມ ມີຈຸດພິເສດສະເພາະທີ່ໃຫ່ຍຫຼວງທີ່ສຸດ. ໂດຍແມ່ນປະເທດທີ່ເປັນຫົວເມືອງຂຶ້ນ, ປະຈຸບັນກາຍເປັນປະເທດເອກະລາດ ແລະ ກ້າວຂຶ້ນສັງຄົມນິຍົມ, ສ້າງພື້ນຖານເສດຖະກິດການຕະຫຼາດ ແລະ ແມ່ນຕະຫຼາດຕາມການກຳນົດທິດສັງຄົມນິຍົມນັ້ນ, ພວກເຮົາພໍ່ພຽງແຕ່ເຊື້ອເຊີນບັນດານັກລົງທຶນຢູ່ພາຍໃນປະເທດເທົ່ານັ້ນ, ຫາກຍັງໄດ້ເຊີນບັນດານັກລົງທຶນຕ່າງປະເທດອີກດ້ວຍ. ໃນສະພາບການການປະຕິວັດວິທະຍາສາດເຕກໂນໂລຊີພັດທະນາຢ່າງແຮງນັ້ນ, ສະພາບການເມືອງໂລກໄດ້ປ່ຽນແປງຢ່າງໄວວາ, ບັນຫາທີ່ໄດ້ວາງອອກແມ່ນ ການເຄື່ອນໄຫວກຳມະບານຈະຕ້ອງປະຕິບັດຄືແນວໃດເພື່ອບັນລຸປະສິດທິຜົນ? ເປັນໜ້າພາກພູມໃຈນັ້ນແມ່ນໃນສະພາບການທິດສະດີ ແລະ ພຶດຕິກຳຕົວຈິງຍັງມີຫຼາຍບັນຫາຕ້ອງຄົ້ນຄ້ວາສະຫລຸບ, ໃນໄລຍະຜ່ານມາ, ອົງການກຳມະບານຍັງມີຫຼາຍການເຄື່ອນໄຫວທີ່ມີຫົວຄິດປະດິດສ້າງ, ນຳມາເຊິ່ງປະສິດທິຜົນສູງ.

(ແຫຼ່ງຄັດຈາກ VOV)