14/12/2021 10:06 GMT+7 Email Print Like 0

ທ່ານ​ປະ​ທ​ານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫ້ວ: ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດ​ນາມ - ສ.ເກົາຫຼີ​ນັບ​ມື້​ນັບ​ໄດ້​ຮັບ​ການ​ເສີມ​ຂະ​ຫຍາຍ​ຢ່າງ​ມີ​ປະ​ສິດ​ທິ​ຜົນ ແລະ ແທດ​ຈິງ

ເນື່ອງໃນໂອກາດໄປຢ້ຽມຢາມສ.ເກົາຫຼີ ຢ່າງເປັນທາງການໃນລະຫວ່າງວັນທີ 12 – 15 ທັນວາ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຕອບສຳພາດຕໍ່ສື່ມວນຊົນສ.ເກົາຫຼີ.
ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ (ພາບ:  vov.vn)

ທ່ານປະທານສະພາແຫ່ງຊາດເວືອງດິ່ງເຫ້ວ ຢຢັ້ງຢືນການພົວພັນ ຫວຽດນາມ - ສ.ເກົາຫຼີ ພວມຢູ່ໃນຈຸດເວລາດີງາມທີ່ສຸດນັບແຕ່ເວລາ 2 ປະເທດສ້າງຕັ້ງການພົວພັນທາງການທູດ ເມື່ອປີ 1992. ກ່ຽວກັບດ້ານການເມືອງ, ການພົວພັນຄູ່ຮ່ວມມືຍຸດທະສາດ ຫວຽດນາມ - ສ.ເກົາຫຼີນັບມື້ນັບໄດ້ຮັບການເສີມຂະຫຍາຍຢ່າງມີປະສິດທິຜົນ, ແທດຈິງ; ສອງຝ່າຍໄດ້ປັບປຸງຄວາມໄວ້ເນື້ອເຊື່ອໃຈດ້ານການເມືອງຢ່າງບໍ່ຢຸດຢັ້ງ. ການຮ່ວມມືດ້ານເສດຖະກິດຍາມໃດກໍ່ແມ່ນຈຸດພົ້ນເດັ່ນ ແລະ ແມ່ນເສົາຄ້ຳສຳຄັນໃນການພົວພັນຮ່ວມມືສອງຝ່າຍ. ປັດຈຸບັນ, ສ.ເກົາຫຼີແມ່ນນັກລົງທຶນຕ່າງປະເທດ FDI ໃຫຍ່ທີ່ສຸດຢູ່ ຫວຽດນາມ, ແມ່ນຄູ່ຮ່ວມມືໃຫຍ່ອັນດັບທີ 2 ກ່ຽວກັບດ້ານການຄ້າ ແລະ ແມ່ນຜູ້ໃຫ້ການຊ່ວຍເຫຼືອພັດທະນາ ຢ່າງເປັນທາງການ(ODA) ສອງຝ່າຍໃຫຍ່ອັນດັບທີ 2 ຂອງ ຫວຽດນາມ. ການຮ່ວມມືດ້ານວັດທະນະທຳ, ການທ່ອງທ່ຽວ ແລະ ການພົວພັນແລກປ່ຽນປະຊາຄົມ ຍັງມີການດຳເນີນຢ່າງຟົດຟື້ນ. ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ມີຄວາມປາດຖະໜາຢາກພັດທະນາການພົວພັນກັບ ສ.ເກົາຫຼີໃຫ້ຫຼາຍກ່ວາອີກ ແລະ ເຊື່ອໝັ້ນວ່າການຢ້ຽມຢາມ ສ.ເກົາຫຼີຄັ້ງນີ້ ຂອງ ຄະນະຜູ້ແທນຂັ້ນສູງ ຫວຽດນາມ ຈະປະກອບສ່ວນເປີດໄລຍະພັດທະນາໃໝ່ໃຫ້ແກ່ການພົວພັນຮ່ວມມືລະຫວ່າງສອງປະເທດ.

ດ້ວຍບັນດາຈຸດທີ່ຄ້າຍຄືກັນກ່ຽວກັບປະຫວັດສາດ ແລະ ວັດທະນະທຳ, ການພົວພັນຄູ່ຮ່ວມມືຍຸດທະສາດ ຫວຽດນາມ - ສ.ເກົາຫຼີ ຈະສືບຕໍ່ມີການພັດທະນາຢ່າງແຮງ, ມີປະສິດທິຜົນ ແລະ ບັນລຸໄດ້ຜົນງານທີ່ພົ້ນເດັ່ນຫຼາຍຢ່າງໃນໄລຍະຈະມາເຖິງ.

(ແຫຼ່ງຄັດຈາກ VOV)