16/11/2021 10:26 GMT+7 Email Print Like 0

ທ່ານ​ປະ​ທານ​ປະ​ເທດ ​ຫງວຽນ​ຊັວນ​ຝຸກ: ພະ​ນັກ​ງານ​ຕ້ອງ​ໄປ​ຫາ ປ​ຊ​ຊ, ຮັບ​ຟັງ ປ​ຊ​ຊ

ທ່ານປະທານປະເທດຫງວຽນຊັວນຝຸກ ໄດ້ມອບເຮືອນ 200 ຫຼັງໃຫ້ບັນດາຄອບຄົວທຸກຍາກ ຢູ່ 2 ເມືອງດົງຢາງ ແລະ ໄຕຢາງ ແຕ່ລະຫຼັງມີມູນຄ່າ 50 ລ້ານດົ່ງ.
(ພາບ:VOV)

ຕອນເຊົ້າວັນທີ 15 ພະຈິກ, ທ່ານປະທານປະເທດຫງວຽນຊັວນຝຸກ ໄດ້ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດ ຢູ່ຕາແສງບາ, ເມືອງດົງຢາງ, ແຂວງກວາງນາມ ຊື່ງແມ່ນຕາແສງມີຊາວເຜົ່າເກີຕູ ແລະ ຊາວກິງ ດຳລົງຊີວິດເປັນສ່ວນຫຼາຍ. ກ່າວຄຳເຫັນນະທີ່ນີ້, ທ່ານປະທານປະເທດຫງວຽນຊັວນຝຸກ ເນັ້ນໜັກວ່າ: ອົງຄະນະພັກ, ອຳນາດການປົກຄອງ, ແນວໂຮມປະເທດຊາດ ແລະ ປຊຊ ຕາແສງບາ, ເມືອງດົງຢາງ ຄວນສືບຕໍ່ກໍ່ສ້າງ ແລະ ເສີມຂະຫຍາຍກຳລັງແຮງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ພິເສດ, ພະນັກງານທ້ອງຖິ່ນຕ້ອງໃກ້ຊິດກັບ ປຊຊ, ຮັບຟັງຄວາມໃນໃຈ, ຄວາມມຸ່ງຫວັງຂອງ ປຊຊ ເພື່ອຮັບໃຊ້ ປຊຊ:

   ພະນັກງານສູນກາງ, ພະນັກງານແຂວງ, ເມືອງ, ຕາແສງ ຕ້ອງລົງໄປຫາ ປຊຊ, ຮັບຟັງຂໍ້ສະເໜີຂອງ ປຊຊ, ເພື່ອວາງອອກນະໂຍບາຍຢ່າງເໝາະສົມ ເພື່ອຮັບໃຊ້ ປຊຊ. ຕ້ານການອາດຍາສິດ, ຫ່າງໄກກັບ ປຊຊ ຈາກສູນກາງຕະຫຼອດຮອດທ້ອງຖິ່ນແມ່ນສຳຄັນທີ່ສຸດ. ວັນບຸນມະຫາສາມັກຄີທົ່ວປວງຊົນທັງຊາດ ມີຄວາມໝາຍອັນໃຫ່ຍຫຼວງ ແມ່ນພວກເຮົາຮັບຟັງຄວາມໃນໃຈ, ຄວາມມຸ່ງຫວັງຂອງ ປຊຊ ເພື່ອແກ້ໄຂນະໂຍບາຍຕາມຄວາມມຸ່ງຫວັງຂອງ ປຊຊ.

   ເນື່ອງໃນໂອກາດນີ້, ຕາງໜ້າບັນດານັກອຸປະຖຳ, ທ່ານປະທານປະເທດຫງວຽນຊັວນຝຸກ ໄດ້ມອບເຮືອນ 200 ຫຼັງໃຫ້ບັນດາຄອບຄົວທຸກຍາກ ຢູ່ 2 ເມືອງດົງຢາງ ແລະ ໄຕຢາງ ແຕ່ລະຫຼັງມີມູນຄ່າ 50 ລ້ານດົ່ງ. ທ່ານຍັງໄດ້ມອບຂອງຂວັນ 30 ພູດໃຫ້ເດັກນ້ອຍປະສົບກັບຄວາມຫຍຸ້ງຍາກ, ມອບຂອງຂວັນຈຳນວນໜຶ່ງໃຫ້ບັນດາຄອບຄົວທຸກຍາກ ແລະ ຄອບຄົວດີເດັ່ນອີກດ້ວຍ.

(ແຫຼ່ງຄັດຈາກ VOV)