ທ່ານນາງຮອງປະທານປະເທດດັ້ງທິງອັກທິ້ງ: ຜ່ານໂລກລະບາດໂຄວິດ - 19, ຄວາມເຊື່ອໝັ້ນທີ່ມີຕໍ່ຂະແໜງສາທາລະນະສຸກຫວຽດນາມ ໄດ້ຍົກສູງຂຶ້ນ
ຜ່ານໂລກລະບາດໂຄວິດ - 19, ບໍ່ພຽງແຕ່ຄວາມເຊື່ອໝັ້ນຂອງປະຊາຊົນທີ່ມີຕໍ່ພັກ ແລະລັດ ໄດ້ຍົກສູງຂຶ້ນເທ່ົານັ້ນຫາກຄວາມເຊື່ອໝັ້ນ, ຄວາມເຄົາລົບນັບຖືຂອງປະຊາຊົນ ແລະປະຊາຄົມສາກົນທີ່ມີຕໍ່ຂະແໜງສາທາລະນະສຸກຫວຽດນາມ ກໍໄດ້ຍົກສູງຂຶ້ນຢ່າງເຫັນໄດ້ຊັດ”.
ທ່ານນາງຮອງປະທານປະເທດດັ້ງທິງອັກທິ້ງ ປະດັບຫຼຽນໄຊແຮງງານຊັ້ນສາມ ໃຫ້ແກ່ໂຮງໝໍພະຍາດເຂດຮ້ອນສູນກາງ (ພາບ: TTXVN)
ນີ້ແມ່ນຄໍາຢັ້ງຢືນຂອງທ່ານນາງຮອງປະທານປະເທດຫວຽດນາມດັ້ງທິງອັກທິ້ງ ໃນການໄປຢ້ຽມຢາມ, ລະດົມກໍາລັງໃຈຂະແໜງສາທາລະນະສຸກ ແລະ ຊົມເຊີຍຫົວໜ່ວຍດີເດັ່ນໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃນຕອນເຊົ້າວັນທີ 24 ເມສາຢູ່ຮ່າໂນ້ຍ.
ກະກຽມກ້າວເຂົ້າສູ່ການປ້ອງກັນ ແລະສະກັດກັ້ນໂລກລະບາດໃນໄລຍະຈະມາເຖິງ, ທ່ານນາງຮອງປະທານປະເທດຫວຽດນາມ ດັ້ງທິງອັກທິ້ງ ເຊື່ອໝັ້ນວ່າຂະແໜງສາທາລະນະສຸກຈະສືບຕໍ່ຕັ້ງໜ້າປິ່ນປົວໃຫ້ບັນດາກໍລະນີຕິດເຊື້ອພະຍາດທີ່ຍັງເຫຼືອ; ຕິດຕາມບັນດາກໍລະນີພວມ ແລະກໍາລັງຈະແຍກຕົວໃນໄລຍະຈະມາເຖິງ ເມື່ອຫວຽດນາມຕ້ອນຮັບຊາວຫວຽດນາມອາໄສຢູ່ຕ່າງປະເທດ, ນັກສຶກສາກັບມາປະເທດ; ບັນດານັກຊ່ຽວຊານຂອງບັນດາປະເທດຕ່າງໆທີ່ມາເຮັດວຽກຢູ່ຫວຽດນາມ... ບົນເນື້ອໃນຈິດໃຈບໍ່ປະໝາດ, ບໍ່ດີໃຈໄວເກີນໄປ, ທ່ານນາງດັ້ງທິງອັກທິ້ງ ເຊື່ອໝັ້ນວ່າຫວຽດນາມຈະບໍ່ມີກໍລະນີເສຍຊີວິດ; ບໍ່ມີກໍລະນີຕິດແປດໃສ່ກັນໃນໝູ່ພະນັກງານຂະແໜງສາທາລະນະສຸກ.
ເນື່ອງໃນໂອກາດນີ້, ທ່ານນາງຮອງປະທານປະເທດດັ້ງທິງອັກທິ້ງ ໄດ້ປະດັບຫຼຽນໄຊແຮງງານຊັ້ນສາມ ໃຫ້ແກ່ໂຮງໝໍພະຍາດເຂດຮ້ອນສູນກາງ.
(ແຫຼ່ງຄັດຈາກ VOV)