(ພາບ TTXVN)
ຕອນບ່າຍວັນທີ 27 ກັນຍາ, ຢູ່ນະຄອນ ໂຮ່ຈີມິນ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ-19 ໄດ້ມີການເຮັດວຽກກັບຄະນະພັກນະຄອນ ໂຮ່ຈີມິນ ກ່ຽວກັບຮ່າງຄຳສັ່ງວ່າດ້ວຍການດັດປັບບັນດາມາດຕະການຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ-19 ຢ່າງມີປະສິດທິຜົນ ແລະ ການຟື້ນຟູພື້ນຖານເສດຖະກິດ, ສັງຄົມໃນບໍລິເວນນະຄອນ ພາຍຫຼັງວັນທີ 30 ກັນຍາ. ຮ່າງຄຳສັ່ງດັ່ງກ່າວກຳນົດວ່າ, ເລີ່ມແຕ່ເວລາ 00 ໂມງຂອງວັນທີ 01 ຕຸລາ 2021, ທາງນະຄອນຈະປະຕິບັດການຜ່ອນຜັນການແຍກຫ່າງສັງຄົມທຽບເທົ່າກັບລະດັບທີ່ໄດ້ຮັບການຕີລາຄາອີງຕາມການແນະນຳຊົ່ວຄາວ “ຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ-19 ຢ່າງມີປະສິດທິຜົນ”. ທ່ານຮອງນາຍົກລັດຖະມົນຕີ ຫວູດຶກດາມ ສະເໜີໃຫ້ນະຄອນຈົ່ງເອົາໃຈໃສ່ເຖິງເລື່ອງບ່ອນຢູ່, ວຽກເຮັດງານທຳ, ຮັບປະກັນຊີວິດສັງຄົມ ແລະ ສັກວັກຊິນໃຫ້ແກ່ຜູ້ອອກແຮງງານ; ເພີ່ມທະວີການເຜີຍແຜ່ໃຫ້ແກ່ປະຊາຊົນ; ຮັບປະກັນການຜ່ອນຜັນການແຍກຫ່າງໃຫ້ປອດໄພເທື່ອລະກ້າວ, ດ້ວຍເປົ້າໝາຍແມ່ນຕ້ອງຄວບຄຸມໂລກລະບາດໃຫ້ໄດ້; ທຳການຜະລິດຄືນໃໝ່ເພື່ອຟື້ນຟູເສດຖະກິດ.
(ແຫຼ່ງຄັດຈາກ VOV)
