18/09/2021 23:14 GMT+7 Email Print Like 0

ທ່ານຮອງນາຍົກລັດຖະມົນຕີ ຫວູດຶກດາມ ຮຽກຮ້ອງໃຫ້ ແຂວງກຽນຢາງ ກັບຄືນສູ່ສະພາບການປົກກະຕິໃໝ່ໂດຍໄວ

      ຕອນຄ່ຳວັນທີ 17 ກັນຍາ, ຢູ່ນະຄອນ ແຣກຢາ, ທ່ານຮອງນາຍົກລັດຖະມົນຕີ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ໄດ້ມີການເຮັດວຽກກັບການນຳແຂວງກຽນຢາງ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ - 19. 
ທ່ານຮອງນາຍົກລັດຖະມົນຕີ ຫວູດຶກດາມເຮັດວຽກກັບການນຳແຂວງກຽນຢາງ (ພາບ: TTXVN)
      ໃນລະຫວ່າງວັນທີ 10 – 16 ກັນຍາ, ແຂວງກຽນຢາງໄດ້ຢັ້ງຢືນຜູ້ຕິດເຊື້ອພະຍາດໂຄວິດ - 19 ໃໝ່ຕື່ມອີກ 1.107 ຄົນ, ໃນນັ້ນມີ 330 ຄົນຕິດໃນຊຸມຊົນ (ກວມເອົາ 29,8%). ທຽບໃສ່ກັບໄລຍະ 7 ວັນກ່ອນ, ຈຳນວນຜູ້ຕິດເຊື້ອຢູ່ແຂວງກຽນຢາງ ເພີ່ມຂຶ້ນ ແຕ່ຈຳນວນຜູ້ຕິດເຊື້ອໃນຊຸມຊົນພັດຫຼຸດລົງ. ກ່າວຄຳເຫັນທີ່ການເຮັດວຽກ, ທ່ານ ຫວູດຶກດາມ ໄດ້ຮຽກຮ້ອງໃຫ້ ແຂວງຕ້ອງຊາບຊຶມຈິດໃຈແຍກຫ່າງໃນສັງຄົມ ຢ່າງເຂັ້ມງວດ, ສ້າງເງື່ອນໄຂໃຫ້ແກ່ການຈໍລະຈອນສິນຄ້າໄດ້ລຸ້ລ່ວງ, ແຕ່ຕ້ອງຄວບຄຸມບັນດາຄົນຂັບລົດຢ່າງແໜ້ນແຟ້ນ, ເສີມຂະຫຍາຍ ບົດບາດຂອງໜ່ວຍງານປ້ອງກັນຕ້ານໂຄວິດ - 19 ປະຊາຄົມ, ກຳລັງຕຳຫຼວດຂັ້ນຮາກຖານໃຫ້ດີກ່ວາອີກ. ທ່ານຮອງນາຍົກລັດຖະມົນຕີ ໄດ້ຕີລາຄາວ່າ ວຽກງານປິ່ນປົວຜູ້ຕິດເຊື້ອຂອງ ແຂວງ ກຽນຢາງ ແມ່ນດີພໍສົມຄວນ, ຕ້ອງສືບຕໍ່ມານະພະຍາຍາຍາມຫຼຸດລົງອັດຕາຜູ້ເສຍຊີວິດ, ສຸມໃສ່ການໂຄສະນາເຜີຍແຜ່ຂົນຂວາຍປະຊາຊົນ, ສູ້ຊົນກັບຄືນສູ່ສະພາບການປົກກະຕິໂດຍໄວ, ນຳບັນດາການເຄື່ອນໄຫວຜະລິດ, ດຳເນີນທຸລະກິດ ຄ່ອຍໆກັບຄືນ ຢ່າງແໝັ້ນແກ່ນ ແລະ ປອດໄພ. ປະຊາຊົນຍາມໃດກໍ່ຕ້ອງປະຕິບັດຕາມຫຼັກການ 5 ປະການ.
(ແຫຼ່ງຄັດຈາກ VOV)