ຂ່າວສານ

ທ່ານປະທານາທິບໍດີ Donald Trump ຫຍໍ້ສັ້ນໄລຍະຫ່າງກັບຜູ້ອອກສະໝັກຮັບເລືອກຕັ້ງ Joe Biden

30/09/2020

ຕາມໝາກຜົນການຢັ່ງຫາງສຽງທີ່ປະກາດໃນວັນທີ 28 ກັນຍາ, ກ່ອນທີ່ດຳເນີນການໂຕ້ວາທີສຳຄັນທຳອິດໃນຂັ້ນຕອນການເລືອກຕັ້ງລະຫວ່າງຜູ້ອອກສະໝັກຮັບເລືອກຕັ້ງເປັນປະທານາທິບໍດີ 2 ທ່ານຂອງພັກສາທາລະນະ ແລະ ພັກປະຊາທິປະໄຕ, ທ່ານປະທານາທິບໍດີ Donald Trump ໄດ້ຮັດແຄບໄລຍະຫ່າງກັບຜູ້ອອກສະໝັກຮັບເລືອກຕັ້ງ Joe Biden.

ທ່ານປະທານາທິບໍດີ Donald Trump (ພາບ: AFP/TTXVN)

ໝາກຜົນການຢັ່ງຫາງສຽງຫຼ້າສຸດໂດຍ Harvard CAPS/Harris ປະຕິບັດໄດ້ສະແດງໃຫ້ເຫັນວ່າ 47% ຜູ້ມີສິດເລືອກຕັ້ງອາດຈະໄປປ່ອນບັດໃຫ້ຮູ້ວ່າ ຈະສະໜັບສະໜູນໃຫ້ທ່ານອະດີດຮອງປະທານາທິບໍດີ Joe Biden ຖ້າຫາກການເລືອກຕັ້ງດຳເນີນໃນໄລຍະເວລາປະຕິບັດການຢັ່ງຫາງສຽງ, ໃນຂະນະນັ້ນ ອັດຕາຜູ້ມີສິດເລືອກຕັ້ງປ່ອນບັດສະໜັບສະໜູນໃຫ້ທ່ານປະທານາທິບໍດີ Trump ແມ່ນ 45%. ດ້ວຍໝາກຜົນດັ່ງກ່າວ, ທ່ານປະທານາທິບໍດີ Donald Trump ໄດ້ຮັດແຄບໄລຍະຫ່າງກັບທ່ານ Joe Biden 2 ຄະແນນ ເມື່ອທຽບໃສ່ໝາກຜົນການຢັ່ງຫາງສຽງໃນເດືອນ ສິງຫາ.

ພາຍຫລັງການໂຕ້ວາທີຄັ້ງທຳທິດ, ການໂຕ້ວາທີລະຫວ່າງທ່ານປະທານາທິບໍດີ Donald Trump ແລະ ທ່ານ Joe Biden ຄັ້ງຕໍ່ໄປຈະດຳເນີນໃນວັນທີ 15 ຕຸລາ ແລະ 22 ຕຸລາ ຈະມາເຖິງ.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.