ທ່ານປະທານປະເທດເຈີນດ້າຍກວາງຕ້ອນຮັບທ່ານ Ousmane Dione,
ຜູ້ອຳນວຍການທະນາຄານໂລກ ປະຈຳຫວຽດນາມ
ຕອນບ່າຍວັນທີ 15/12 ຢູ່ສຳນັກງານປະທານປະເທດ, ທ່ານປະທານປະເທດເຈີນດ້າຍກວາງ ໄດ້ຕ້ອນຮັບທ່ານ Ousmane Dione, ຜູ້ອຳນວຍການທະນາຄານໂລກ ປະຈຳຫວຽດນາມ. ທີ່ການຕ້ອນຮັບ, ທ່ານປະທານປະເທດເຈີນດ້າຍກວາງ ສະເຫນີ: ໄລຍະຈະມາເຖິງ ທ່ານ Ousmane Dione ສຸມໃສ່ສະຫນອງແຫລ່ງຊັບພະຍາກອນມະນຸດຊ່ວຍຫວຽດນາມ ປະຕິບັດບັນດາການກຳນົດທິດທີ່ໄດ້ວາງອອກໃນບັນດາເອກະສານຂອງກອງປະຊຸມໃຫຍ່ຄັ້ງທີ 12 ຂອງພັກ. ສົມທົບຢ່າງແຫນ້ນແຟ້ນກັບບັນດາອົງການຂອງລັດຖະບານ ເພື່ອສ້າງເອກະສານຂອບເຂດການຮ່ວມມືແຫ່ງຊາດ ຫວຽດນາມ - ທະນາຄານໂລກ ໄລຍະໃຫມ່ ບົນຈິດໃຈເໝາະສົມກັບບັນດາການກຳນົດທິດຍຸດທະສາດຊື່ງກອງປະຊຸມໃຫຍ່ຄັ້ງທີ 12 ຂອງພັກວາງອອກ ແລະ ບັນດາການກຳນົດທິດຂອງ ທະນາຄານໂລກ ໃນບົດລາຍງານຫວຽດນາມປີ 2035. ຜ່ານນັ້ນ ຊ່ວຍໃຫ້ ທະນາຄານໂລກ ແລະ ຫວຽດນາມ ບັນລຸບັນດາຄາດໝາຍທີ່ໄດ້ວາງອອກ. ສ່ວນທ່ານ Ousmane Dione ສະແດງຄວາມເປັນກຽດໄດ້ຮັບຫນ້າທີ່ເຮັດວຽກຢູ່ຫວຽດນາມເມື່ອເດືອນ 9/2016 ແລະ ມີຄຳໝັ້ນສັນຍາສືບຕໍ່ຊຸກຍູ້ການພົວພັນຮ່ວມມືຢ່າງມີປະສິດທິຜົນລະຫວ່າງທະນາຄານໂລກ ແລະ ຫວຽດນາມ.
(ແຫຼ່ງຄັດຈາກ VOV)
