04/10/2019 11:37 GMT+7 Email Print Like 0

ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ສິ້ນສຸດການຢ້ຽມຢາມຫວຽດນາມ ຢ່າງເປັນທາງການ

      ຕອນບ່າຍວັນທີ 3 ຕຸລາ, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ລັດຖະບານ ລາວ ໄດ້ສິ້ນສຸດການຢ້ຽມຢາມຫວຽດນາມ ຢ່າງເປັນທາງການ ແຕ່ວັນທີ 01 – 03 ຕຸລາ 2019 ຕາມຄໍາເຊື້ອເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ພັນລະຍາ.
            ໃນໄລຍະຢ້ຽມຢາມຫວຽດນາມ, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ໄດ້ເຂົ້າຮ່ວມພິທີຕ້ອນຮັບຢ່າງເປັນທາງການ, ການພົບປະເຈລະຈາ ແລະ ເຂົ້າຮ່ວມງານລ້ຽງ ຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ; ເຂົ້າຢ້ຽມຂໍ່ານັບທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ; ພົບປະກັບທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ; ໄປຢ້ຽມຢາມ ແລະ ເຮັດວຽກກັບບາງຮາກຖານເສດຖະກິດ, ວັດທະນະທໍາຢູ່ນະຄອນດ່າໜັງ.

ການພົບປະເຈລະຈາລະຫວ່າງສອງຝ່າຍ (ພາບ: chinhphu.vn)
      ທີ່ການຕ້ອນຮັບ, ການພົບປະເຈລະຈາ, ງານລ້ຽງ, ການນໍາຂັ້ນສູງສອງປະເທດ ໄດ້ເຫັນດີເປັນເອກະພາບ ສືບຕໍ່ຮັກສາການແລກປ່ຽນຄະນະຜູ້ແທນ ແລະ ພົບປະຂັ້ນສູງ; ສົ່ງເສີມບັນດາກະຊວງ, ຄະນະ, ຂະແໜງການ, ທ້ອງຖິ່ນ ເປີດກວ້າງການພົວພັນຮ່ວມມື, ໜູນຊ່ວຍການພັດທະນາເສດຖະກິດສັງຄົມຢ່າງທັນການ, ຮັກສາຄວາມສະຫງົບປອດໄພ, ສະຖຽນລະພາບ ແລະ ຄວາມເປັນລະບຽບຮຽບຮ້ອຍ, ແກ້ໄຂບັນຫາທີ່ເກີດຂຶ້ນ ໃຫ້ຢ່າງທັນການ ບົນພື້ນຖານຄວາມສາມັກຄີີ, ມິດຕະພາບ...
        ສອງຝ່າຍໄດ້ເຫັນດີເປັນເອກະພາບ ເພີ່ມທະວີການເຊື່ອມຕໍ່ຜະລິດຕະພັນທ່ອງທ່ຽວ, ເປັນຕົ້ນແມ່ນບັນດາແຂວງຊາຍແດນທາງພາກໃຕ້ຂອງລາວ ແລະ ພາກກາງຂອງຫວຽດນາມ. ສອງຝ່າຍໄດ້ຢັ້ງຢືນເຖິງຄວາມສໍາຄັນ ຂອງການຮັກສາສັນຕິພາບ, ສະຖຽນລະພາບ.
        ເນື່ອງໃນໂອກາດນີ້, ນາຍົກລັດຖະມົນຕີສອງທ່ານ ໄດ້ເປັນສັກຂີພິຍານພິທີລົງນາມ ແລະ ແລກປ່ຽນເອກະສານ 8 ສະບັບ ກ່ຽວກັບການຮ່ວມມືໃນຂົງເຂດເສດຖະກິດ, ລົງທຶນ, ສຶກສາ, ການເງິນ, ທະນາຄານ, ພະລັງງານ, ການບິນ.
        ກ່ອນທີ່ຈະອອກຈາກຫວຽດນາມ, ຕອນເຊົ້າວັນທີ 03 ຕຸລາ, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ພ້ອມດ້ວຍຄະນະຜູ້ແທນຂັ້ນສູງລາວ ໄດ້ໄປຢ້ຽມຢາມ ແລະ ເຮັດວຽກຢູ່ເຂດເຕັກໂນໂລຢີສູງດ່າໜັງ. ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ໄດ້ຕີລາຄາສູງຕໍ່ການພັດທະນາ, ບັນດາຜົນງານທີ່ບັນລຸໄດ້ຂອງເຂດເຕັກໂນໂລຢີສູງດ່າໜັງ ພາຍຫຼັງລັດຖະບານຫວຽດນາມ ໄດ້ກໍ່ສ້າງມາເປັນເວລາເກືອບ 10 ປີ.
 (ແຫຼ່ງຄັດຈາກ VOV)