(ທ່ານນາຍົກລັດຖະມົນຕີຫງວຽນຊວນຟຸກ
ເຂົ້າຮ່ວມພິທີສະເຫຼິມສະຫຼອງ 20 ປີ ADB ຢູ່ຫວຽດນາມ)
ຕອນບ່າຍວັນທີ 02/12, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງທະນາຄານພັດທະນາອາຊີ (ADB) (19/12/1966 - 19/12/2016) ແລະ 20 ປີແຫ່ງວັນສ້າງຕັ້ງຫ້ອງການຕາງໜ້າ ADB ປະຈຳຫວຽດນາມ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາວ່າ, ນີ້ແມ່ນເຫດການສຳຄັນ ຮັບຮອງບົດບາດຂອງ ADB ໃນການໜູນຊ່ວຍພັດທະນາເສດຖະກິດສັງຄົມ ແລະ ຫຼຸດຜ່ອນຄວາມທຸກຍາກຢູ່ພາກພື້ນອາຊີ - ປາຊີຟິກ ເວົ້າລວມ ແລະ ຫວຽດນາມ ເວົ້າສະເພາະ. ໂດຍແມ່ນໜຶ່ງໃນບັນດາສະມາຊິກກໍ່ຕັ້ງຂອງ ADB, ຍາມໃດຫວຽດນາມ ກໍ່ຕັ້ງໜ້າປະກອບສ່ວນເຂົ້າໃນການພັດທະນາຂອງ ADB, ຖືເປັນສຳຄັນການສ້າງສາຍພົວພັນທີ່ສະໜິດຕິດພັນ, ມີປະສິດທິຜົນກັບ ADB. ເລື່ອງ ADB ເປີດອົງການຕ່າງໜ້າປະຈຳຫວຽດນາມ ເມື່ອເດືອນ 12/1996 ແມ່ນຂີດໝາຍສຳຄັນໃນການພົວພັນລະຫວ່າງຫວຽດນາມ - ADB. ທ່ານນາຍົກລັດຖະມົນຕີ ຢືນຢັນວ່າ, ບັນດາໂຄງການອຸປະຖຳຂອງ ADB ຢູ່ຫວຽດນາມ ແມ່ນມີຫຼາຍຮູບຫຼາຍແບບ, ມຸ່ງໄປສູ່ການເຕີບໂຕຢ່າງສະໝຳສະເໝີ, ໝັ້ນຄົງ ແລະ ໄດ້ຮັບການຜັນຂະຫຍາຍຢ່າງມີປະສິດທິຜົນ, ປະກອບສ່ວນສຳຄັນເຂົ້າໃນການນຳຫວຽດນາມ ຈາກປະເທດທຸກຍາກ, ຫຼ້າຫຼັງໃຫ້ກາຍເປັນປະເທດພວມພັດທະນາ ມີລາຍຮັບປານກາງ, ເຊື່ອມຍົງເຂົ້າພາກພື້ນ ແລະ ສາກົນຢ່າງເລິກເຊິ່ງ, ກວ້າງຂວາງ.
(ແຫຼ່ງຄັດຈາກ VOV)
