17/02/2021 18:33 GMT+7 Email Print Like 0

ທົ່ວໂລກມີຜູ້ຕິດເຊື້ອໂຄວິດ - 19 ກວ່າ 110 ລ້ານຄົນ

      ໄລ່ຮອດເວລາ 1 ໂມງຂອງວັນທີ 17 ກຸມພາ (ຕາມເວລາ UTC), ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ກວ່າ 110 ລ້ານຄົນ, ໃນນັ້ນ ມີ 2.428.130 ຄົນເສຍຊີວິດ.
ການເອົາຕົວຢ່າງກວດວິໄຈເຊື້ອໄວຣັດ ໃຫ້ແກ່ຊາວ ກົວລາລຳເບີ, ມາເລເຊຍ ໃນວັນທີ 18 ມັງກອນ (ພາບ: TTXVN)
      ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 17 ກຸມພາ (ຕາມເວລາ UTC), ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ກວ່າ 110 ລ້ານຄົນ, ໃນນັ້ນ ມີ 2.428.130 ຄົນເສຍຊີວິດ.
        ປະເທດຖືກຜົນສະທ້ອນຢ່າງໜັກໜ່ວງທີ່ສຸດ ຍັງຄົງແມ່ນ ອາເມລິກາ ດ້ວຍຈຳນວນ ຜູ້ຕິດເຊື້ອ 28.378.644 ຄົນ, ໃນນັ້ນ ມີ 499.815 ຄົນເສຍຊີວິດ. ຖັດຈາກນັ້ນ ແມ່ນ ອິນເດຍ ແລະ ບຣາຊິນ. ເອີີຣົບ ພວມແມ່ນຈຸດໃຈກາງຂອງໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອແມ່ນຫຼາຍກວ່າ 35,6 ລ້ານຄົນ; ຖັດຈາກນັ້ນແມ່ນ ບັນດາປະເທດ ອາເມລິກາ ລາຕິນ ແລະ ກາຣີເບ. ສ່ວນຢູ່ ອາຊີ ມີຜູ້ຕິດເຊື້ອກວ່າ 15,7 ລ້ານຄົນ, ໃນນັ້ນ ມີຜູ້ເສຍຊີວິດກວ່າ 248.900 ຄົນ.
        ວັນທີ 16 ກຸມພາ, ອົງການສາທາລະນະສຸກ ເຂດ England ຂອງ ອັງກິດ ໄດ້ຢັ້ງຢືນວ່າ ປະກົດມີ 38 ກໍລະນີຕິດເຊື້ອໄວຣັດສາຍພັນໃໝ່ B1525 ທີ່ປ່ຽນພັນຈາກ ເຊື້ອໄວຣັດ SARS – CoV – 2. ໄວຣັດສາຍພັນໃໝ່ດັ່ງກ່າວ ໄດ້ຮັບຖືວ່າ ມີສ່ວນປະກອບເຮັດໃຫ້ຫຼຸດຄຸນປະໂຫຍດຂອງວັກຊິນກັນພະຍາດໂຄວິດ - 19.
(ແຫຼ່ງຄັດຈາກ VOV)