ຂ່າວສານ

ຖ້ຳ ເຊີນດອງ ຢູ່ຫວຽດນາມສືບຕໍ່ດຶງດູດຄວາມສົນໃຈຈາກສື່ມວນຊົນສາກົນ

17/02/2019

ວັນທີ 15 ກຸມພາ, ພະແນກທ່ອງທ່ຽວ ແຂວາງ ກວ໋າງບີງ ໃຫ້ຮູ້ວ່າ: ຖ້ຳ ເຊີນດອງ ແລະ ຮູບພາບກ່ຽວກັບຖ້ຳແຫ່ງນີ້ ຢູ່ ແຂວງ ກວ໋າງບີງ ຂອງຫວຽດນາມ ສືບຕໍ່ໄດ້ຮັບຄວາມສົນໃຈເປັນພິເສດຈາກສື່ມວນຊົນສາກົນ.

ຄວາມງາມຂອງຖ້ຳ ເຊີນດອງ

ພາບ:vietnam+

ວາລະສານກ່ຽວກັບການທອ່ງທ່ຽວແຖວຫນ້າຂອງໂລກ - Telegraph (ອັງກິດ) ຫາກໍ່ປະກາດໝາກຜົນການຄັດເລືອກ ສະຖານທີ່ທ່ອງທ່ຽວ 11 ແຫ່ງທີ່ຍອດຍິ່ງກວ່າໝູ່ໃນໂລກໄດ້ຮັບການຄົ້ນພົບໃນໄລຍະຜ່ານມາ, ໃນນັ້ນ ມີຖ້ຳ ເຊີນດອງ. ຕາມວາລະສານ Telegraph ແລ້ວ, ຖ້ຳ ເຊີນດອງ ຂອງຫວຽດນາມ ໄດ້ຮັບຖືວ່າ ແມ່ນຖ້ຳໃຫຍ່ກວ່າໝູ່ ແລະ ກວ້າງກວ່າໝູ່ໃນໂລກ ແລະ ໄດ້ຄົ້ນພົບເມື່ອປີ 1990 ແລະ ສອງສາມປີມານີ້ ນັກທ່ອງທ່ຽວຈຶ່ງໄດ້ມາຄົ້ນຫາ ແລະ ຢ້ຽມຊົມໂດຍກົງເທົ່ານັ້ນ. ຢູ່ຈຸດສູງສຸດຂອງຖ້ຳແຫ່ງນີ້ ສາມາດບັນຈຸອາຄານ 40 ຊັ້ນ, ແລະ ຢູ່ ຈຸດກວ້າງສຸດສາມາດບັນຈຸເຮືອບິນ Boeing 747. ແຕ່ລະປີ ຈຳນວນນັກທ່ອງທ່ຽວໄດ້ຮັບອະນຸຍາດເຂົ້າຢ້ຽມຊົມ ແລະ ຄົ້ນຫາຖ້ຳເຊີນດອງ ພຽງກຳນົດຢູ່ໃນລະດັບ 1000 ຄົນ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.