ຊຸກຍູ້ເຕີບໂຕ ແລະ ພັດທະນາ ເຂດເສດຖະກິດຈຸດສຸມ ທາງພາກເໜືອ ຢ່າງຍືນຍົງ (ພາບ: enternews.vn)
ເຂດເສດຖະກິດຈຸດສຸມທາງພາກເໜືອລວມມີ 7 ແຂວງ: ນະຄອນຫຼວງຮ່າໂນ້ຍ, ຫ໋າຍຝ່ອງ, ກວາງນິງ, ຫ໋າຍເຢືອງ, ຮຶງອຽນ, ວິ້ງຟຸກ, ບັກນິງ. ນີ້ແມ່ນສູນກ່ຽວກັບການເມືອງ, ເສດຖະກິດ, ວັດທະນະທຳ, ການປ້ອງກັນຊາດ ປ້ອງກັນຄວາມສະຫງົບຂອງທົ່ວປະເທດ, ມີຂອບຂະໜາດເສດຖະກິດຢືນຢູ່ອັນດັບທີ 2 ທົ່ວປະເທດ, ກວມເອົາເກືອບ 32% GDP ຂອງ ຫວຽດນາມ… ເຖິງຢ່າງໃດກໍ່ຕາມ, ການເຕີບໂຕເສດຖະກິດຂອງ ເຂດເສດຖະກິດຈຸດສຸມ ພາກເໜືອພວມປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຕ່າງໆ.
ເພື່ອໃຫ້ເຂດເສດຖະກິດຈຸດສຸມທາງພາກເໜືອເສີມຂະຫຍາຍບັນດາຄວາມສາມາດບົ່ມຊ້ອນ, ທ່າໄດ້ປຽບ, ມີການພັດທະນາບຸກທະລຸ ແລະ ຍືນຍົງ. ທ່ານນາຍົກລັດຖະມົນຕີ ຮຽກຮ້ອງໃຫ້ການນຳຂອງກະຊວງ, ຂະແໜງການ, ປະທານຄະນະກຳມະການປະຊາຊົນ ບັນດາແຂວງ, ນະຄອນເຂດເສດຖະກິດຈຸດສຸມທາງພາກເໜືອຊີ້ນຳການພັດທະນາບັນດາຂົງເຂດທີ່ມີຄວາມສາມາດບົ່ມຊ້ອນ, ທ່າໄດ້ປຽບ, ເປັນຕົ້ນແມ່ນບັນດາຂົງເຂດ: ອຸດສາຫະກຳປຸງແຕ່ງ, ປະດິດສ້າງ, ກະສິການຳໃຊ້ເຕັກໂນໂລຢີສູງ, ເຕັກໂນໂລຢີຂໍ້ມູນຂ່າວສານ, ການທ່ອງທ່ຽວ, ຕິດພັນກັບການພັດທະນາຕົວເມືອງອັດສະລິຍະ. ທ່ານນາຍົກລັດຖະມົນຕີ ຮຽກຮ້ອງໃຫ້ສ້າງຮ່າງກົດໝາຍສະບັບປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການລົງທຶນ ແລະ ຮ່າງກົດໝາຍສະບັບປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍວິສາຫະກິດຕາມທິດເປັນເຈົ້າການດຶງດູດເງິນລົງທຶນຈາກຕ່າງປະເທດທີ່ມີການຄັດເລືອກ. ໃນຂະນະນັ້ນ, ຄະນະກຳມະການປະຊາຊົນບັນດາ ແຂວງ, ນະຄອນໃນເຂດເສດຖະກິດຈຸດສຸມທາງພາກເໜືອຕ້ອງມີກົນໄກພິເສດສະເພາະເພື່ອສົ່ງເສີມບາງວິສາຫະກິດທີ່ມີລະດັບພັດທະນາກາຍເປັນວິສາຫະກິດນຳໜ້າ, ມີຂອບຂະໜາດພາກພື້ນ ແລະ ສາກົນເພື່ອສ້າງການແຜ່ຂະຫຍາຍ ແລະ ນຳໜ້າບັນດາວິສາຫະກິດຕ່າງໆໃນເຂດພັດທະນາ.
(ແຫຼ່ງຄັດຈາກ VOV)
