ຄະນະເລຂາສູນກາງພັກໄດ້ຈັດກອງປະຊຸມພົບປະກັບພະນັກງານຂັ້ນສູງທີ່ໄດ້ພັກກິນເບ້ຍບຳນານເຂດພາກໃຕ້
ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງພົບປະກັບຜູ້ແທນທີ່ເຂົາຮ່ວມກອງປະຊຸມ
ຕອນເຊົ້າວັນທີ 14/8, ຢູ່ນະຄອນໂຮ່ຈິມິນ, ຄະນະເລຂາສູນກາງພັກໄດ້ຈັດກອງປະຊຸມພົບປະກັບພະນັກງານການນຳຂັ້ນສູງຂອງພັກ, ລັດທີ່ໄດ້ພັກກິນເບ້ຍບຳນານເຂດພາກໃຕ້ເພື່ອແຈ້ງໃຫ້ຊາບສະພາບການຢູ່ພາຍໃນປະເທດ ແລະ ສາກົນ ພ້ອມກັບວຽກງານຊີ້ນຳນຳພາຂອງພັກ ແລະ ລັດໃນຂົງເຂດຕ່າງໆ. ກ່າວຄຳເຫັນທີ່ກອງປະຊຸມ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ສະແດງຄວາມຂອບໃຈຕໍ່ບັນດາຄຳເຫັນທີ່ສຳຄັນຂອງບັນດາຜູ້ແທນທີ່ເຂົ້າຮ່ວມກອງປະຊຸມ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ໄດ້ແລກປ່ຽນ ແລະ ເຮັດແຈ້ງບາງບັນຫາຕື່ມອີກຊຶ່ງບັນດາຜູ້ແທນໄດ້ຍົກອອກມາ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ອີກເທື່ອໜຶ່ງໄດ້ຢືນຢັນຄວາມຕັດສິນໃຈຂອງທົ່ວພັກ, ທົ່ວກອງທັບ, ທົ່ວປວງຊົນໃນການເດັດດ່ຽວປັກປັກຮັກສາອະທິປະໄຕ, ເຂດນ້ຳແດນດິນທີ່ສັກກະລະບູຊາຂອງປະເທດຊາດ, ຮັກສາສະຖຽນລະພາບທາງດ້ານການເມືອງ, ສະພາບແວດລ້ອມສັນຕິພາບເພື່ອພັດທະນາປະເທດຊາດຢ່າງວ່ອງໄວ ແລະ ຍືນຍົງ.
(ແຫຼ່ງຄັດຈາກ VOV)