29/01/2020 19:57 GMT+7 Email Print Like 0

ຂະແໜງເກີບໜັງມີຫລາຍໂອກາດເພື່ອບັນລຸຄາດໝາຍວົງເງິນການຄ້າສົ່ງອອກ 24 ຕື້ USD

ທ່ານນາງ ຟານທິແທງຊວນ, ເລຂານຸການໃຫຍ່ສະຫະສະມາຄົມເກີບໜັງ - ກະເປົາ ຫວຽດນາມ (Lefaso) ໃຫ້ຮູ້ວ່າ: ປີ 2020, ຄວາມສ່ຽງສູ້ຢັນກັນດ້ານການຄ້າລະຫວ່າງ ອາເມລິກາ - ຈີນ, ລະຫວ່າງ ອາເມລິກາ ກັບບັນດາຄູ່ຮ່ວມມືການຄ້າອື່ນໆຢູ່ ເອີຣົບ, ອິນເດຍ…ອາດຈະຄ່ອຍໆຫລຸດລົງ ແລະ ພື້ນຖານເສດຖະກິດທົ່ວໂລກຈະຄ່ອຍໆໄດ້ຮັບການຟື້ນຟູ.
ດັ່ງນັ້ນ, ບັນດາໃບຊື້ຂາຍເກີບໜັງ, ກະເປົາຈະສືບຕໍ່ທ່າອ່ຽງຫັນປ່ຽນຈາກ ຈີນ ໄປຍັງ ຫວຽດນາມ ເພື່ອຍາດແຍ່ງບຸລິມະສິດດ້ານພາສີຈາກບັນດາສັນຍາການຄ້າເສລີ, ແທນໃຫ້ການສົ່ງອອກທີ່ຫລຸດລົງຂອງ ຈີນ.

ຂະແໜງເກີບໜັງມີຫລາຍໂອກາດເພື່ອບັນລຸຄາດໝາຍວົງເງິນການຄ້າສົ່ງອອກ 24 ຕື້ USD (ພາບ: TTXVN)

ຕາມນັ້ນແລ້ວ, Lefaso ຄາດຄະເນວ່າ ປີ 2020, ຄວາມຕ້ອງການນຳໃຊ້ບັນດາຜະລິດຕະພັນເກີບໜັງຢູ່ບັນດາຕະຫລາດສົ່ງອອກຕົ້ນຕໍຂອງ ຫວຽດນາມ ປີ 2020 ຍັງຄົງເພີ່ມຂຶ້ນຢູ່. ດັ່ງນັ້ນ, ດັດຊະນີຜະລິດອຸດສາຫະກຳຂອງຂະແໜງໃນປີ 2020 ຈະເພີ່ມຂຶ້ນປະມານ 11%, ອັດຕາຫັນເປັນຜະລິດຕະພັນພາຍໃນປະເທດແມ່ນ 60% ແລະ ວົງເງິນການຄ້າສົ່ງອອກບັນລຸ 24 ຕື້ USD, ຮັກສາລະດັບການເຕີບໂຕ 10% ຢ່າງໝັ້ນຄົງເມື່ອທຽບໃສ່ປີ 2019.
 (ແຫຼ່ງຄັດຈາກ VOV)