13/04/2020 09:05 GMT+7 Email Print Like 0

ກຸ່ມບໍລິສັດ BKAV ຜະລິດເຄື່ອງຊ່ວຍຫາຍໃຈເພື່ອປິ່ນປົວຜູ້ຕິດໂຄວິດ 19

      ມີວິສາຫະກິດ 3 ແຫ່ງໃນໂລກ ໄດ້ຮັບຫນັງສືອະນຸຍາດໃຫ້ຜະລິດເຄື່ອງຊ່ວຍຫາຍໃຈຢ່າງເປັນທາງການ, ໃນນັ້ນ ມີກຸ່ມບໍລິສັດ Vingroup ຂອງຫວຽດນາມ

ມີກຳມະກອນຂອງໂຮງງານກວ່າ 9000 ຄົນກຽມພ້ອມຜະລິດເຄື່ອງຊ່ວຍຫາຍໃຈ
ພາບ: baogiaothong
      ກຸ່ມບໍລິສັດເຕັກໂນໂລຊີ BKAV ປະກາດ ໄດ້ສຳເລັດແຜນການຜະລິດເຄື່ອງຊ່ວຍຫາຍໃຈເພື່ອຊ່ວຍປີ່ນປົວໃຫ້ຜູ້ຕິດໂຄວິດ 19. ຕາມແຜນການແລ້ວ, ກາງເດືອນ ພຶດສະພາຈະມາເຖິງ ກຸ່ມບໍລິສັດດັ່ງກ່າວ ຈະຜະລິດເຄື່ອງຊ່ວຍຫາຍໃຈຊຸດທົດລອງທຳອິດ ເພື່ອສາມາດຂໍອະນຸຍາດກະຊວງສາທາລະນະສຸກເພື່ອໃຫ້ຜະລິດເປັນຈຳນວນຫລາຍໃນໄລຍະຕໍ່ໄປ.
ເຄື່ອງຊ່ວຍຫາຍໃຈດັ່ງກ່າວແມ່ນເຮັດຕາມຮູບແບບ PB560 ຂອງບໍລິສັດອຸປະກອນການແພດແຖວຫນ້າຂອງໂລກ Medtronic. ປະມານ 10% ຜູ້ຕິດເຊື້ອໂຄວິດ 19 ຕ້ອງນຳໃຊ້ເຄື່ອງຊ່ວຍຫາຍໃຈໃນການປິ່ນປົວ ສະນັ້ນ ໂລກພວມຂາດແຄນອຸປະກອນນີ້ຫລາຍ.
 ກ່ຽວຂ້ອງເຖິງເຄື່ອງຊ່ວຍຫາຍໃຈ.
ກ່ອນຫນ້ານີ້ ໃນວັນທີ 8 ເມສາ ບໍລິສັດ Medtronic ໄດ້ຢັ້ງຢືນວ່າ ມີວິສາຫະກິດ 3 ແຫ່ງໃນໂລກ ໄດ້ຮັບຫນັງສືອະນຸຍາດໃຫ້ຜະລິດເຄື່ອງຊ່ວຍຫາຍໃຈຢ່າງເປັນທາງການ, ໃນນັ້ນ ມີກຸ່ມບໍລິສັດ Vingroup ຂອງຫວຽດນາມ, Foxconn ຂອງໄຕ້ຫວັນ ແລະ  Baylis Medical ຂອງການາດາ.
 (ແຫຼ່ງຄັດຈາກ VOV)