ການໂອ້ລົມສົນທະນາແລກປ່ຽນທາງອອນລາຍ ລະຫວ່າງ ພັກກອມມູນິດຫວຽດນາມ ແລະ ພັກປະຊາທິປະໄຕສັງຄົມ ເຢຍລະມັນ (ພາບ: TTXVN)

ຕອນບ່າຍວັນທີ 16 ພະຈິກ, ທ່ານຮວ່າງບິ່ງກວນ ຫົວໜ້າຄະນະພົວພັນຕ່າງປະເທດສູງກາງ ພັກກອມມູນິດຫວຽດນາມ  ແລະ ທ່ານ Alexander Schweitzer, ກຳມະການຄະນະບໍລິຫານງານສູນກາງພັກປະຊາທິປະໄຕສັງຄົມ ເຢຍລະມັນ ໄດ້ເປັນປະທານຮ່ວມການໂອ້ລົມສົນທະນາທາງອອນລາຍ ລະຫວ່າງ ພັກກອມມູນິດຫວຽດນາມ ແລະ ພັກປະຊາທິປະໄຕສັງຄົມ ເຢຍລະມັນ. ກ່າວຄຳເຫັນທີ່ການໂອ້ລົມສົນທະນາ, ສອງຝ່າຍໄດ້ຕີລາຄາສູງຕໍ່ການພົວພັນທີ່ມີຄວາມໄວ້ເນື້ອເຊື່ອໃຈ ແລະ ມີປະສິດທິຜົນລະຫວ່າງພັກກອມມູນິດ ຫວຽດນາມ ແລະ ພັກປະຊາທິປະໄຕສັງຄົມ ເຢຍລະມັນ, ພ້ອມທັງຢັ້ງຢືນເຖິງຄວາມສຳຄັນຂອງການພົວພັນລະຫວ່າງສອງພັກໃນການພົວພັນຕ່າງປະເທດສອງຝ່າຍ.

  ສອງຝ່າຍເຫັນດີເປັນເອກະພາບວ່າ ໃນສະພາບການໂລກລະບາດໂຄວິດ - 19 ພວມກີດຂວາງວິວັດການດຳເນີນການເຄື່ອນໄຫວພົບປະແລກປ່ຽນຄະນະຜູ້ແທນ, ການສົນທະນາໂດຍກົງນັ້ນ, ສອງພັກຍິ່ງຕ້ອງເພີ່ມທະວີຄວາມສາມັກຄີ, ການແລກປ່ຽນ, ແບ່ງປັນຂໍ້ມູນຂ່າວສານດ້ວຍຫຼາຍຮູບການທີ່ແຕກຕ່າງກັນ ເພື່ອສ້າງທ່ວງທ່າແກ່ການພົວພັນໃນໄລຍະຫຼັງໂລກລະບາດໂຄວິດ - 19. ສອງຝ່າຍຢັ້ງຢືນວ່າ  ຈະພ້ອມກັນມານະພະຍາຍາມເພື່ອສາມາດດຳເນີນການເຈລະຈາທິດສະດີ ຄັ້ງທີ 7 ລະຫວ່າງສອງພັກໃນປີ 2021; ຖືການເຈລະຈາທິດສະດີແມ່ນກົນໄກສຳຄັນ ແນໃສ່ຊຸກຍູ້ປະສິດທິຜົນຂອງການພົວພັນຮ່ວມມືລະຫວ່າງສອງພັກໃນຊຸມປີຜ່ານມາ ແລະ ພິເສດແມ່ນໃນໄລຍະຈະມາເຖິງ./.

(ແຫຼ່ງຄັດຈາກ VOV)