01/12/2020 10:42 GMT+7 Email Print Like 0

ການ​ທ່ອງ​ທ່ຽວ ຫວຽດ​ນາມ ໄດ້​ຮັບ​ການເຊີດ​ຊູ​ໃນພິ​ທີ​ປະ​ກາດ World Travel Award 2020

ລາງວັນ “ຈຸດນັດພົບມໍລະດົກແຖວໜ້າຂອງໂລກ” (World’s Leading Heritage Destination) ປີ 2020 ແມ່ນໄດ້ມອບໃຫ້ແກ່ ຫວຽດນາມ.

ຂົວຄຳ - ໜຶ່ງໃນບັນດາສະຖານທີ່ທ່ອງທ່ຽວຂອງນະຄອນ ດ່າໜັງ, ຫວຽດນາມ (ພາບປະກອບ: TTXVN) 

ທີ່ພິທີປະກາດສຸດທ້າຍບັນດາລາງວັນການທ່ອງທ່ຽວໂລກ (WTA) ປີ 2020 ເຊິ່ງຫາກໍດຳເນີນຢູ່ນະຄອນຫຼວງ ມົດສະກູ (ລັດເຊຍ), ຫວຽດນາມ ຍາດໄດ້ຫຼາຍລາງວັນ, ໃນນັ້ນ ສິ່ງທີ່ໜ້າສົນໃຈ ນັ້ນແມ່ນ ລາງວັນ “ຈຸດນັດພົບມໍລະດົກແຖວໜ້າຂອງໂລກ” (World’s Leading Heritage Destination) ປີ 2020 ແມ່ນໄດ້ມອບໃຫ້ແກ່ ຫວຽດນາມ.

        ໂຮງແຮມ Vinpearl Luxury Landmark 81  ຂອງ ຫວຽດນາມ ຍາດໄດ້ 3 ລາງວັນ ຂອງ WTA ປີ 2020, ເຊິ່ງລວມມີ ລາງວັນ “ໂຮງແຮມຢູ່ນະຄອນແຖວໜ້າໂລກ”, ລາງວັນ “ໂຮງແຮມຈັດກອງປະຊຸມສໍາມະນາ ແລະ ງານດອງ ແຖວໜ້າໂລກ” ແລະ ລາງວັນ “ໂຮງແຮມຢູ່ແຄມແມ່ນ້ຳແຖວໜ້າໂລກ”.

        ເຂດພັກຜ່ອນບຳລຸງສຸຂະພາບ Sun World Ba Na Hill ກໍຍາດໄດ້ 2 ລາງວັນ. ນອກຈາກນັ້ນ, ບໍລິສັດການບິນແຫ່ງຊາດ ຫວຽດນາມ - Vietnam Airlines ໄດ້ຮັບການເຊີດຊູວ່າ ແມ່ນ “ບໍລິສັດການບິນທີ່ມີວັດທະນະທຳແຖວໜ້າໂລກ”…

(ແຫຼ່ງຄັດຈາກ VOV)