ຕອນເຊົ້າ ວັນທີ 15 ສິງຫາ, ທີ່ ຮ່າໂນ້ຍ, ຄະນະປະຈຳ ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ໄດ້ຈັດການໂອ້ລົມສົນທະນາ “ບົດບາດຂອງ ແນວໂຮມປະເທດຊາດ ຫວຽດນາມ ໃນການຂົນຂວາຍ ແລະ ຕິດຕາມກວດກາ ການກໍ່ສ້າງຊົນນະບົດໃໝ່ - ສະພາບຕົວຈິງ ແລະ ວິທີການແກ້ໄຂ”. ການໂອ້ລົມສົນທະນາແມ່ນແນໃສ່, ປຶກສາຫາລື, ແລກປ່ຽນບົດຮຽນຫຼາຍຢ່າງກ່ຽວກັບການກໍ່ສ້າງຊົນນະບົດໃໝ່ຢູ່ທ້ອງຖີ່ນ, ຫົວໜ່ວຍຂອງຕົນ; ແລກປ່ຽນບາງວິທີການກໍ່ສ້າງຕົວເມືອງສີວິໄລ; ໂຄສະນາ, ຂົນຂວາຍປະຊາຊົນເຂົ້າຮ່ວມຂະບວນການແຂ່ງຂັນຮັກຊາດ. ພິເສດແມ່ນເພີ່ມທະວີການເຄື່ອນໄຫວຕິດຕາມກວດກາ, ຕີລາຄາຄຸນນະພາບສັງຄົມ, ເສີມຂະຫຍາຍບົດບາດ ຂອງ ແນວໂຮມປະເທດຊາດ ຫວຽດນາມ ໃນການເຂົ້າຮ່ວມກໍ່ສ້າງຊົນນະບົດໃໝ່ໃຫ້ດີກວ່າເກົ່າ.

ແບ່ງປັນບົດຮຽນກ່ຽວກັບຮູບແບບການກໍ່ສ້າງເຂດຊຸມຊົນ ຊົນນະບົດໃໝ່ທີ່ເປັນແບບຢ່າງ, ສວນແບບຢ່າງ, ທ່ານ ຫງວຽນ ຫ້າຍ ນາມ, ປະທານຄະນະກຳມະການປະຊາຊົນເມືອງ ງີ ຊວັນ, ຮ່າ ຕິ໋ງ, ຢົ້ງຢືນວ່າ: ຢູ່ບ່ອນໃດປະຊາຊົນເຂົ້າຮ່ວມແລ້ວ ການກໍ່ສ້າງເຂດຊຸມຊົນຊົນນະບົດໃໝ່ ຈະມີຄວາມສະດວກ ແລະ ໄດ້ຮັບໝາກຜົນສູງ. ຖືເອົາປະຊາຊົນເປັນເຈົ້າກຳ,  ຖືຜົນປະໂຫຍດຂອງປະຊາຊົນກັບທິດນຳ ແລະ ເຮັດໃຫ້ປະຊາຊົນໄດ້ຮັບຜົນປະໂຫຍດ:

ຢູ່ ງີ ຊວັນໄດ້ເຮັດບາງໜ້າວຽກທີ່ໃໝ່ອ່ຽມ, ພວກຂ້າພະເຈົ້າສ້າງແຜນແນໃສ່ຍົກສູງລາຍຮັບ ໃຫ້ພໍ່ແມ່ປະຊາຊົນ. ອັນທີສອງແມ່ນ ແກ້ໄຂສະພາບແວດລ້ອມຊົນນະບົດ. ອັນທີສາມແມ່ນ ກໍ່ສ້າງສະພາບແວດລ້ອມວັດທະນະທຳໃນເຂດຊົນນະບົດ. ຢູ່ ງີ ຊວັນ ທຸກໆບ້ານລ້ວນແຕ່ມີເຄື່ອງຄອມພິວເຕີ ເຊື່ອມຕໍ່ອິນເຕີເນັດ, ທຸກໆເອກະສານສົ່ງມາຫາເມືອງ ແມ່ນທາງບ້ານຈະສົ່ງມາທາງລະບົບອິນເຕີເນັດ.

(ແຫຼ່ງຄັດຈາກ VOV)