19/05/2019 11:32 GMT+7 Email Print Like 0

ການເຈລະຈາສັນຕິພາບກັບຝ່າຍຄ້ານມີການເລີ່ມຕົ້ນຢ່າງດີງາມຢູ່ເວເນຊູເອລາ

      ວັນທີ 17 ພຶດສະພາ, ທ່ານປະທານາທິບໍດີເວເນຊູເອລາ Nicolas Maduro ໄດ້ແຈ້ງໃຫ້ຊາບວ່າ, ຄະນະເຈລະຈາຂອງລັດຖະບານ ເວເນຊູເອລາ ໄດ້ກັບມາຈາກນອກແວ ດ້ວຍ ຂ່າວດີທີ່ວ່າ, ການເຈລະຈາກັບຝ່າຍຄ້ານໄດ້ມີການເລີ່ມຕົ້ນຢ່າງດີງາມ.
      ກ່າວຄຳເຫັນທີ່ການປະຊຸມກັບບັນດານາຍທະຫານຢູ່ລັດພາກກາງ Aragua, ທ່ານປະທານາທິບໍດີ Nicolas Maduro ໃຫ້ຮູ້ວ່າ, ບັນດາການເຈລະຈາລະຫວ່າງຜູ້ຕາງໜ້າຂອງລັດຖະບານ ເວເນຊູເອລາ ກັບຝ່າຍຄ້ານຢູ່ປະເທດນີ້ ແມ່ນເພື່ອແນໃສ່ຊຸກຍູ້ບັນດາຂໍ້ຕົກລົງສັນຕິພາບ, ມິດຕະພາບ ແລະ ການຮ່ວມມືໄດ້ມີຈຸດເລີ່ມຕົ້ນບັນລຸຜົນສຳເລັດ. ທ່ານ Nicolas Maduro ຊີ້ແຈ້ງວ່າ, ຜູ້ຕາງໜ້າ 2 ຝ່າຍໄດ້ຈັດບັນດາການເຈລະຈາຢູ່ນອກແວ ໃນອາທິດນີ້ ເພື່ອ “ເລີ່ມຕົ້ນ ແລະ ສຳຫຼວດ” ບັນດາການປຶກສາຫາລື ແລະ ການເຈລະຈາກັບຝ່າຍຄ້ານ ແມ່ນແນໃສ່ສ້າງໂຄງການດຳເນີນງານສັນຕິພາບໃຫ້ແກ່ປະເທດຊາດ.
 (ແຫຼ່ງຄັດຈາກ VOV)