27/11/2020 09:48 GMT+7 Email Print Like 0

ການຮ່ວມມືຊາວໜຸ່ມເພື່ອສ້າງປະຊາຄົມອາຊຽນ ໃຫ້ພັດທະນາແບບຍືນຍົງ

      ກອງປະຊຸມແມ່ນໂອກາດເພື່ອໃຫ້ບັນດາຜູ້ແທນສະເໜີບັນດາຂໍ້ລິເລີ່ມ ແລະ ຂໍ້ສະເໜີແນະກ່ຽວກັບວິທະຍາສາດ, ເຕັກໂນໂລຢີ ແລະ ການຮ່ວມມືໃນອາຊຽນ, ເພື່ອແນໃສ່ປະກອບສ່ວນແກ້ໄຂຄວາມຫຍຸ້ງຍາກ, ສິ່ງທ້າທາຍໃນພາກພື້ນ ແລະ ສ້າງປະຊາຄົມອາຊຽນໃຫ້ພັດທະນາແບບຍືນຍົງ.

ກອງປະຊຸມແມ່ນໜຶ່ງໃນບັນດາການເຄື່ອນໄຫວສຳຄັນສະຫງວນໃຫ້ແກ່ຊາວໜຸ່ມ, ປັນຍາຊົນໜຸ່ມພາກພື້ນໃນປີ 2020
ເມື່ອ ຫວຽດນາມ ດຳລົງຕຳແໜ່ງເປັນປະທານອາຊຽນ
      ໂດຍນອນໃນຂອບເຂດ ການຮ່ວມມືຊາວໜຸ່ມອາຊຽນ, ວັນທີ 25 ພະຈິກ ຢູ່ຮ່າໂນ້ຍ, ສູນກາງຊາວໜຸ່ມກອມມູນິດໂຮ່ຈີມິນ, ຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ໄດ້ເປັນປະທານຮ່ວມຈັດຕັ້ງກອງປະຊຸມທາງອອນລາຍກ່ຽວກັບນັກວິທະຍາສາດໜຸ່ມ ອາຊຽນ 2020 ດ້ວຍຫົວຂໍ້ວ່າ “ວິທະຍາສາດໜຸ່ມອາຊຽນ: ປຸກລຸກຫົວຄິດປະດິດສ້າງ ແລະ ການປ່ຽນແປງໃໝ່ເພື່ອອາຊຽນສະໜິດຕິດພັນ ແລະ ເປັນເຈົ້າການຮັບມື”.
            ກອງປະຊຸມແມ່ນໂອກາດເພື່ອໃຫ້ບັນດາຜູ້ແທນສະເໜີບັນດາຂໍ້ລິເລີ່ມ ແລະ ຂໍ້ສະເໜີແນະກ່ຽວກັບວິທະຍາສາດ, ເຕັກໂນໂລຢີ ແລະ ການຮ່ວມມືໃນອາຊຽນ, ເພື່ອແນໃສ່ປະກອບສ່ວນແກ້ໄຂຄວາມຫຍຸ້ງຍາກ, ສິ່ງທ້າທາຍໃນພາກພື້ນ ແລະ ສ້າງປະຊາຄົມອາຊຽນໃຫ້ພັດທະນາແບບຍືນຍົງ.
            ກ່າວຄຳເຫັນທີ່ພິທີໄຂ, ທ່ານ ຫງວຽນງອັກເລືອງ ເລຂາສູນກາງຄະນະຊາວໜຸ່ມ, ຮອງປະທານຜູ້ປະຈຳການຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ໄດ້ຢັ້ງຢືນວ່າ: ສູນກາງຊາວໜຸ່ມໄດ້ສົ່ງເສີມໃຫ້ນັກວິທະຍາສາດໜຸ່ມອາຊຽນ ຕັ້ງໜ້າເຂົ້າຮ່ວມກອງປະຊຸມແລກປ່ຽນປະສົບການ ແລະ ຄວາມຮູ້, ສະເໜີແນວຄວາມຄິດ ແລະ ຂໍ້ລິເລີ່ມກ່ຽວກັບວິທີເຊື່ອມຕໍ່, ເພີ່ມທະວີການຮ່ວມມືລະຫວ່າງ ນັກວິທະຍາສາດໜຸ່ມອາຊຽນນຳກັນ.
(ແຫຼ່ງຄັດຈາກ VOV)