09/08/2021 10:20 GMT+7 Email Print Like 0

ການຢ້ຽມຢາມຂອງທ່ານປະທານປະເທດຫວຽດນາມຫງວຽນຊວັນຟຸກປະກອບສ່ວນສຳຄັນເຂົ້າໃນການນຳການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ - ລາວເຂົ້າສູ່ລວງເລິກ

      ການຢ້ຽມຢາມ ມີຄວາມໝາຍສຳຄັນໃນການພົວພັນລະຫ່າງສອງປະເທດ. ນີ້ແມ່ນການຢ້ຽມຢາມຕ່າງປະເທດເປັນຄັ້ງທຳອິດ ຢ່າງເປັນທາງການ ຂອງການນຳຂັ້ນສູງພັກ, ລັດ ຫວຽດນາມ ພາຍຫຼັງກອງປະຊຸມໃຫຍ່ຄັ້ງທີ XIII ຂອງພັກ, ພ້ອມທັງແມ່ນການໄປປະຕິບັດງານຢູ່ຕ່າງປະເທດທຳອິດຂອງ ທ່ານ ຫງວຽນຊວັນຟຸກ ໃນຖານະເປັນປະທານປະເທດ.
ວັນທີ 5 ກໍລະກົດ 2020, ຢູ່ນະຄອນ ດ່ານັ້ງ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ມີການເຈລະຈາກັບທ່ານນາຍົກລັດຖະມົນຕີ ລາວ ທອງລຸນ ສີສຸລິດ (ພາບ: TTXVN)
      ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່, ປະທານປະເທດ ສປປ.ລາວ ທອງລຸນ ສີສຸລິດ ພ້ອມກັບພັນລະຍາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ແລະ ພັນລະຍາ ໄດ້ເດີນທາງໄປຢ້ຽມຢາມສັນຖະວະໄມຕີ ສປປ.ລາວ ຢ່າງເປັນທາງການໃນລະຫວ່າງວັນທີ 9 – 10 ສິງຫາ 2021.
ການຢ້ຽມຢາມ ມີຄວາມໝາຍສຳຄັນໃນການພົວພັນລະຫ່າງສອງປະເທດ. ນີ້ແມ່ນການຢ້ຽມຢາມຕ່າງປະເທດເປັນຄັ້ງທຳອິດ ຢ່າງເປັນທາງການ ຂອງການນຳຂັ້ນສູງພັກ, ລັດ ຫວຽດນາມ ພາຍຫຼັງກອງປະຊຸມໃຫຍ່ຄັ້ງທີ XIII ຂອງພັກ, ພ້ອມທັງແມ່ນການໄປປະຕິບັດງານຢູ່ຕ່າງປະເທດທຳອິດຂອງ ທ່ານ ຫງວຽນຊວັນຟຸກ ໃນຖານະເປັນປະທານປະເທດ.
      ເມື່ອຕອບສຳພາດຕໍ່ນັກຂ່າວສຳນັກຂ່າວສານຫວຽດນາມ, ທ່ານເອກອັກຄະລັດຖະທູດຫວຽດນາມປະຈຳລາວ ຫງວຽນບ໊າຮຸ່ງ ຢັ້ງຢືນວ່າ ສາຍພົວພັນພິເສດຫວຽດນາມ - ລາວໂດຍການນຳລຸ້ນຕ່າງໆສືບທອດ ແລະ ປະຊາຊົນສອງປະເທດອອກເຫື່ອເທແຮງເພີ່ມພູນຄຸນສ້າງ. ທ່ານເອກອັກຄະລັດຖະທູດ ຖືວ່າ ສາຍພົວພັນລະຫວ່າງ ຫວຽດນາມ - ລາວ ນັບມື້ນັບໄດ້ຮັບການພັດທະນາໃນສະໄໝໃໝ່. ຫວຽດນາມຄວນສືບຕໍ່ປະຕິບັດການເພີ່ມທະວີການພົວພັນໃຫ້ດີກ່ວາອີກ ແລະ ການຮ່ວມມືຢ່າງສະໜິດຕິດພັນ, ຄວາມໄວ້ເນື້ອເຊື່ອໃຈດ້ານການເມືອງ, ພິເສດແມ່ນລະຫວ່າງ ພັກກອມມູນິດ ຫວຽດນາມ ກັບພັກປະຊາຊົນປະຕິວັດ ລາວ, ການພົວພັນໃນການປ້ອງກັນຊາດ, ປ້ອງກັນຄວາມສະຫງົບ ເພື່ອປັບປຸງໃຫ້ກາຍເປັນເສົາຄ້ຳໝັ້ນແກ່ນກ່ວາອີກ.
      ພ້ອມທັງສອງຝ່າຍສຸມໃສ່ຢ່າງແຮງກ່ວາອີກເຂົ້າໃນສອງບັນຫາໃຫຍ່. ນັ້ນແມ່ນຍົກລະດັບການພົວພັນເສດຖະກິດ - ການຄ້າ - ການລົງທຶນ ທີ່ເໝາະສົມກັບການພົວພັນດ້ານການເມືອງ - ການຕ່າງປະເທດ, ການປ້ອງກັນຊາດ - ປ້ອງກັນຄວາມສະຫງົບ, ຍູ້ແຮງວຽກງານການສຶກສາ, ເຜີຍແຜ່ໂຄສະນາ ໃຫ້ແກ່ປະຊາຊົນສອງປະເທດ, ພິເສດແມ່ນລຸ້ນໜຸ່ມ, ກ່ຽວກັບມູນເຊື້ອ, ຄວາມໝາຍຍຸດທະສາດ ແລະ ຄວາມສຳຄັນພິເສດຂອງການພົວພັນ ລະຫວ່າງ ຫວຽດນາມ - ລາວ.
(ແຫຼ່ງຄັດຈາກ VOV)