24/01/2021 11:42 GMT+7 Email Print Like 0

ການນຳຫຼາຍປະເທດ,ນັກຊ່ຽວຊານຫຼາຍທ່ານແລະສື່ມວນຊົນສາກົນໄດ້ຍ້ອງຍໍບົດບາດນຳພາຂອງພັກກອມມູນິດຫວຽດນາມ

      ກອງປະຊຸມໃຫຍ່ຂອງພັກຍາມໃດກໍ່ແມ່ນເຫດການສຳຄັນຍິ່ງໃນການດຳເນີນຊີວິດຂອງພັກ
(ພາບປະກອບ: dangcongsan.vn)
      ວັນທີ 22 ມັງກອນ, ເວັບໄຊທາງການຂອງພັກກອມມູນິດສະຫະພັນລັດເຊຍ (KPRF) ໄດ້ເອົາເນື້ອໃນຈົດໝາຍອວຍພອນຂອງທ່ານ Gennady Ziuganov, ປະທານ KPRF ທີ່ສົ່ງເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ລົງໃນເວັບໄຊ. ໃນຈົດໝາຍ, ການນຳ KPRF ເນັ້ນໜັກວ່າ, ກອງປະຊຸມໃຫຍ່ຂອງພັກຍາມໃດກໍ່ແມ່ນເຫດການສຳຄັນຍິ່ງໃນການດຳເນີນຊີວິດຂອງພັກ, ກອງປະຊຸມໃຫຍ່ຈະກຳນົດເປົ້າໝາຍຍຸດທະສາດຂອງພັກຮອດປີ 2030 - ຂີດໝາຍສະເຫຼີມສະຫຼອງ 100 ປີແຫ່ງວັນສ້າງຕັ້ງພັກກອມມູນິດຫວຽດນາມ, ກໍຄືການກຳນົດແນວທາງພັດທະນາເສດຖະກິດ-ສັງຄົມຂອງປະເທດຊາດຮອດປີ 2045, ຂີດໝາຍ 100 ປີແຫ່ງວັນສ້າງຕັ້ງປະເທດຫວຽດນາມ.
        ຕາມທ່ານ Vladimir Buyanov, ປະທານສະມາຄົມມິດຕະພາບລັດເຊຍ - ຫວຽດນາມ ແລ້ວ, ເນື້ອໃນຮ່າງເອກະສານຂອງກອງປະຊຸມໃຫຍ່ ໄດ້ຢືນຢັນຄວາມຕັດສິນໃຈຂອງບັນດານັກກອມມູນິດຫວຽດນາມ, ປະຊາຊົນຫວຽດນາມ ທຸກທົ່ວໜ້າສືບຕໍ່ເດີນຕາມເສັ້ນທາງປ່ຽນແປງໃໝ່ຢ່າງຮອບດ້ານ ມຸ່ງໄປເຖິງອະນາຄົດ, ສ້າງຫວຽດນາມ ໃຫ້ກາຍເປັນປະເທດມີວັດທະນາຖາວອນ ແລະ ພັດທະນາຂອງຜູ້ມີຄວາມຜາສຸກຢ່າງແທ້ຈິງ.
        ນັກເສດຖະກິດວິທະຍາ Edward Teather ສັງກັດບໍລິສັດໄຈ້ແຍກ UBS Research ໄດ້ແບ່ງປັນໃນເວັບໄຊ CNBC ວ່າ: “ຫວຽດນາມ ພວມໄດ້ຮັບຜົນເສຍຫາຍຈາກການກະທົບຂອງໂລກລະບາດໂຄວິດ-19 ແຕ່ຍັງແມ່ນປະເທດທີ່ພົ້ນເດັ່ນທີ່ສຸດຢູ່ພາກພື້ນ. ຫວຽດນາມ ພວມພັດທະນາ ແລະ ມີທີ່ຕັ້ງທີ່ດີເພື່ອສືບຕໍ່ກວມເອົາພາກສ່ວນໃນຂົງເຂດສົ່ງອອກທົ່ວໂລກໃນອະນາຄົດ. ຍ້ອນເຫດນັ້ນ, ແງ່ຫວັງແມ່ນໃສແຈ້ງດີເມື່ອທຽບໃສ່ພື້ນຖານລວມຂອງພາກພື້ນ”.
        ໜັງສືພິມ Sunday Times ຂອງສິງກະໂປ ກໍ່ໄດ້ລົງບົດຂຽນໂດຍໃຫ້ຂໍ້ສັງເກດວ່າ, ຫວຽດນາມ ພວມກະກຽມໃຫ້ແກ່ເຫດການການເມືອງສຳຄັນ ໃນເງື່ອນໄຂສະດວກເຊິ່ງບໍ່ມີປະເທດໃດໃນໂລກສາມາດເຮັດໄດ້. ບັນດາເງື່ອນໄຂສະດວກລວມມີສະພາບການຄວບຄຸມໂລກລະບາດໂຄວິດ-19 ໄດ້ເປັນຢ່າງດີ, ໃນຂະນະທີ່ລະດັບການເຕີບໂຕເສດຖະກິດໄດ້ຮັບການຄາດຄະເນວ່າ “ພັດທະນາໄວ” ກວ່າບັນດາປະເທດຢູ່ພາກພື້ນ.
(ແຫຼ່ງຄັດຈາກ VOV)