10/05/2019 10:15 GMT+7 Email Print Like 0

ກະ​ຊວງ​ປ້ອງ​ກັນປະ​ເທດ​ ລາວ ຈັດ​ຕັ້ງງານ​ໂຮມ​ຊຸມ​ນຸມ​​ມິ​ດ​ຕິງຢ່າງ​ສົ​ມ​ກຽດ​ເນື່ອງ​ໃນ​ໂອ​ກາ​ດ​ສະ​ເຫຼີມ​ສະຫຼອງ 65 ປີແຫ່ງວັນ​​ໄຊ​ຊະ​ນະ​ດຽນ​ບຽນ​ຝ໋​ູ

ໄຊຊະນະດຽນບຽນຝູ໋ແມ່ນໄຊຊະນະຍິ່ງໃຫຍ່ທີ່ສຸດໃນປະຫວັດສາດຂອງການຕໍ່ສູ້ຕ້ານສັດຕູຜູ້ຮຸກຮານຂອງກອງທັບປະຊາຊົນ ຫວຽດນາມ.

ທ່ານ ພັນເອກ ຕ່າວວັນທ໊າຍ ທູດການທະຫານ ຫວຽດນາມ ປະຈຳລາວ (ພາບ: ຊວນຕູ໊/TTXVN)

ວັນທີ 9 ພຶດສະພາ, ຢູ່ນະຄອນຫຼວງ ວຽງຈັນ, ກະຊວງປ້ອງກັນປະເທດ ລາວ ໄດ້ສົມທົບກັບທູດທະຫານ ຫວຽດນາມ ປະຈຳ ລາວ ຈັດຕັ້ງງານໂຮມຊຸມນຸມມິດຕິງ ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນໄຊຊະນະດຽນບຽນຝູ໋ (7 ພຶດສະພາ ປີ 1954 – 7 ພຶດສະພາ ປີ 2019).

        ທີ່ພິທີ, ທ່ານ ພົນຕີ ພູວົງ ວົງພົມ ຮອງລັດຖະມົນຕີກະຊວງປ້ອງກັນປະເທດ ລາວ ໄດ້ຢັ້ງຢືນວ່າໄຊຊະນະ ດຽນບຽນຝູ໋ ແມ່ນບາດລ້ຽວປະຫວັດສາດຂອງສາມປະເທດອິນດູຈີນ, ບໍ່ພຽງແຕ່ຕີເອົາຊະນະລ່າເມືອງຂຶ້ນຝລັ່ງຢູ່ ຫວຽດນາມເທົ່ານັ້ນຫາກຍັງຢູ່ອິນດູຈີນອີກດ້ວຍ. ໄຊຊະນະດຽນບຽນຝູ໋ແມ່ນໄຊຊະນະຍິ່ງໃຫຍ່ທີ່ສຸດໃນປະຫວັດສາດຂອງການຕໍ່ສູ້ຕ້ານສັດຕູຜູ້ຮຸກຮານຂອງກອງທັບປະຊາຊົນ ຫວຽດນາມ. ນີ້ບໍ່ພຽງແຕ່ແມ່ນໄຊຊະນະຂອງກອງທັບ ແລະ ປະຊາຊົນ ຫວຽດນາມເທົ່ນນັ້ນຫາກຍັງແມ່ນໄຊຊະນະຂອງປະຊາຊົນ ລາວ ແລະ ປະຊາຊົນກຳປູເຈຍອີກດ້ວຍເຊິ່ງໄດ້ຮ່ວມສຳພັນສູ້ຮົບ, ຮ່ວມຂຸມຄອງອັນດຽວກັນ, ຕໍ່ສູ້ສັດຕູໂຕດຽວກັນ, ປົດປ່ອຍປະເທດຊາດ ແລະ ບັງຄັບໃຫ້ສັດຕູຕ້ອງຮັບຮູ້ພື້ນຖານເອກະລາດແຫ່ງຊາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ຫວຽດນາມ, ລາວ ແລະ ກຳປູເຈຍ ແລະ ກໍ່ແມ່ນຄັ້ງທຳອິດທີ່ເຮັດໃຫ້ລັດທິລ່າເມືອງຂຶ້ນແບບເກົ່າຖືກລົ້ມລະລາຍໃນທົ່ວໂລກ.

(ແຫຼ່ງຄັດຈາກ VOV)