19/05/2020 07:19 GMT+7 Email Print Like 0

ກອງ​ປະຊຸມ​ເຈົ້າໜ້າທີ່​​ອາວຸ​ໂສ ອາຊຽນ

ຕອນເຊົ້າວັນທີ 18  ພຶດສະພາ 2020, ກອງປະຊຸມບັນດາເຈົ້າໜ້າທີ່ອາວຸໂສ (SOM) ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ), ຂັ້ນຮອງລັດຖະມົນຕີການຕ່າງປະເທດ ໄດ້ດໍາເນີນດ້ວຍຮູບແບບປະຊຸມອອນລາຍ. ທ່ານ ຫງວຽນກວັກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນ ຫວຽດນາມ ເຂົ້າຮ່ວມກອງປະຊຸມ.

ທ່ານ ຫງວຽນກວັກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນ ຫວຽດນາມ ເຂົ້າຮ່ວມກອງປະຊຸມ (ພາບ: VOV)

  ນະທີ່ນີ້, ທ່ານ ຫງວຽນກວັກຢຸງ ໄດ້ອັບເດັດກ່ຽວກັບສະພາບການຜັນຂະຫຍາຍບັນດາການເຄື່ອນໄຫວພາຍຫຼັງກອງປະຊຸມສຸດຍອດພິເສດ ອາຊຽນ ແລະ ອາຊຽນ +3 (ກັບ ຈີນ, ຍີ່ປຸ່ນ, ສ.ເກົາຫຼີ) ກ່ຽວກັບການຮັບມືກັບໂລກລະບາດໂຄວິດ - 19; ພ້ອມກັນນັ້ນກໍຕັກເຕືອນບັນດາປະເທດສະມາຊິກອາຊຽນ ແລະ ຄະນະເລຂາ ອາຊຽນ ກ່ຽວກັບຄວາມຄືບໜ້າໃນການຜັນຂະຫຍາຍບັນດາໝາກຜົນບຸລິມະສິດໃນປີ ອາຊຽນ 2020.

        ທີ່ກອງປະຊຸມ, ບັນດາປະເທດ ອາຊຽນ ຕ່າງກໍຕີລາຄາສູງບົດບາດເປັນປະທານ ອາຊຽນຂອງ ຫວຽດນາມ ນັບແຕ່ຕົ້ນປີມາຮອດປັດຈຸບັນ ບົນເນື້ອໃນຈິດໃຈ “ສະໜິດຕິດພັນ ແລະ ເປັນເຈົ້າການຮັບມື”, ພິເສດໃນການຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນ, ພ້ອມທັງຢັ້ງຢືນການສະໜັບສະໜູນການຊຸກຍູ້ຜັນຂະຫຍານໝາກຜົນຕົ້ນຕໍທີ່ບັນລຸໄດ້ໃນກອງປະຊຸມສຸດຍອດອາຊຽນ ແລະ ອາຊຽນ + 3 ກ່ຽວກັບການຮັບມືກັບໂລກລະບາດໂຄວິດ - 19 ໂດຍຫວຽດນາມນໍາສະເໜີ. ທ່ານຫົວໜ້າຄະນະຜູ້ແທນບັນດາປະເທດ ອາຊຽນ ສະແດງຄວາມເຊື່ອໝັ້ນຕໍ່ຜົນສໍາເລັດຂອງກອງປະຊຸມສຸດຍອດອາຊຽນ ຄັ້ງທີ 36  ພາຍໃຕ້ການເປັນປະທານຂອງຫວຽດນາມ ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ສົມທົບກັບປະເທດເປັນປະທານໃນວຽກງານກະກຽມໃຫ້ແກ່ກອງປະຊຸມດັ່ງກ່າວ. 

(ແຫຼ່ງຄັດຈາກ VOV)