ກອງປະຊຸມໃຫຍ່ຂອງພັກແຕ່ລະຄັ້ງນັ້ນ ບໍ່ພຽງແຕ່ແມ່ນຂີດໝາຍປະຫວັດສາດຂອງພັກກອມມູນິດຫວຽດນາມ ເທົ່ານັ້ນ, ຫາກຍັງແມ່ນຂອງທັງຊາດຫວຽດນາມ ອີກດ້ວຍ.
        “ເມື່ອຍັງມີຊີວິດຢູ່, ປະທານໂຮ່ຈີມິນ ເຄີຍເວົ້າວ່າ, ສາມັກຄີ, ສາມັກຄີ, ມະຫາສາມັກຄີ, ສຳເລັດຜົນ, ສຳເລັດຜົນ, ມະຫາສຳເລັດຜົນ. ຂ້າພະເຈົ້າຄິດວ່າ, ບໍ່ມີກຳລັງໃດສາມາດແບ່ງແຍກກຸ່ມກ້ອນມະຫາສາມັກຄີຂອງພວກເຮົາໄດ້. ຖ້າຫາກບໍ່ສາມັກຄີກັນ, ປະເທດເຮົາບໍ່ສາມາດພັດທະນາ ແລະ ບໍ່ປະສົບຜົນສຳເລັດຢ່າງໃຫຍ່ຫຼວງຄືໃນປະຈຸບັນໄດ້”.
        ໃນເຫດການທີ່ກ່ຽວຂ້ອງ, ໃນຊຸມມື້ນີ້, ກອງທັບ ແລະ ປະຊາຊົນທີ່ດຳລົງຊີວິດຢູ່ເກາະ ຊິງໂຕນ ຂຶ້ນກັບເມືອງເກາະ ເຈື່ອງຊາ (ແຂວງແຄ໊ງຮ່ວາ) ໄດ້ແຂ່ງຂັນກັນສ້າງຜົນງານເພື່ອຂ່ຳນັບຕ້ອນຮັບກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ແລະ ຫວັງວ່າ, ໃນອາຍຸການໃໝ່ຈະມີບາດກ້າວບຸກທະລຸໃນການພັດທະນາເສດຖະກິດ, ສັງຄົມຫຼາຍຢ່າງ ແລະ ສ້າງສາປະເທດຊາດໃຫ້ນັບມື້ນັບຮັ່ງມີ, ສວຍງາມ, ສີວິໄລກວ່າເກົ່າ.