ປະຊຸມອະນຸກຳມະການບຸກຄະລາກອນກອງປະຊຸມໃຫຍ່ຄັ້ງທີ 13 ຂອງພັກ
ກ່າວຄຳເຫັນສະຫລຸບກອງປະຊຸມ, ທ່ານເລຂາທິການໃຫຍ່, ປະທານປະເທດຫງວຽນຝູຈ້ອງເນັ້ນໜັກວ່າ: ກອງປະຊຸມສູນກາງພັກຄັ້ງທີ 5 ຊຸດທີ 12 (ຄາດວ່າຈະຈັດຂຶ້ນໃນເດືອນພຶດສະພາ 2020) ຈະປຶກສາຫາລືກ່ຽວກັບທິດທາງວຽກງານບຸກຄະລາກອນກອງປະຊຸມໃຫຍ່ຄັ້ງທີ 13 ຂອງພັກ. ນີ້ແມ່ນໜຶ່ງໃນສອງເນື້ອໃນສຳຄັນທີ່ສຸດໃນກອງປະຊຸມໃຫຍ່ຂອງພັກແຕ່ລະຄັ້ງ. ປັດຈຸບັນ, ບັນດາອົງຄະນະພັກຂຶ້ນກັບສູນກາງພັກພວມຊີ້ນຳເພື່ອດຳເນີນກອງປະຊຸມໃຫຍ່ອົງຄະນະພັກທຸກຂັ້ນ.
ທ່ານເລຂາທິການໃຫຍ່, ປະທານປະເທດຫງວຽນຝູຈ້ອງເນັ້ນໜັກວ່າ: ໃນໄລຍະຈະມາເຖິງ, ອະນຸກຳມະການບຸກຄະລາກອນ, ກົມການເມືອງ, ຄະນະບໍລິຫານງານສູນກາງພັກກອມມູນິດຫວຽດນາມຈະສຸມກຳລັງເຫື່ອແຮງຫລາຍກ່ວາອີກໃຫ້ແກ່ການສ້າງທິດທາງວຽກງານບຸກຄະລາກອນແລະເລື່ອງເລືອກເຟັ້ນບຸກຄະລາກອນເຂົ້າຮ່ວມໃນຄະນະບໍລິຫານງານສູນກາງພັກຊຸດທີ 13. ວຽກງານບຸກຄະລາກອນຢູ່ຄະນະບໍລິຫານງານສູນກາງພັກ, ກົມການເມືອງ, ຄະນະເລຂາຕ້ອງໄດ້ປະຕິບັດຕາມຂັ້ນຕອນຢ່າງແໜ້ນແຟ້ນ, ມີວິທະຍາສາດແລະສະເໝີຕົ້ນສະເໝີປາຍ, ຮັບປະກັນປະຊາທິປະໄຕ, ຍຸຕິທຳຢ່າງແທ້ຈິງ.
(ແຫຼ່ງຄັດຈາກ VOV)
