ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມກອງປະຊຸມ

(ພາບ: toquoc.vn)

ນີ້ແມ່ນກອງປະຊຸມເພື່ອແນໃສ່ຕີລາຄາວຽກງານອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກວັດທະນະທຳໃນໄລຍະຜ່ານມາ, ກໍຄືປຶກສາຫາລືມາດຕະການແກ້ໄຂ ເພື່ອໃຫ້ບັນດາມໍລະດົກວັດທະນະທຳປະກອບສ່ວນເຂົ້າໃນການພັດທະນາເສດຖະກິດ, ສັງຄົມຕາມທິດຍືນຍົງ.

        ໃນການອະນຸລັກຮັກສາ ແລະ ເສີມຂະຫຍາຍບັນດາມໍລະດົກວັດທະນະທຳບໍ່ເປັນວັດຖຸ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ໄດ້ຍູ້ແຮງວຽກງານສຶກສາ, ໂຄສະນາໃນການອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳຂອງບັນດາເຜົ່າສ່ວນໜ້ອຍ; ເປີດບັນດາຫ້ອງຮຽນກ່ຽວກັບມໍລະດົກບໍ່ເປັນວັດຖຸຢູ່ຫຼາຍທ້ອງຖິ່ນ ດ້ວຍການເຊື້ອເຊີນນັກສິລະປິນດີເດັ່ນມາສິດສອນ; ກວດກາ, ສ້າງສຳເນົາເອກະສານວິທະຍາສາດມໍລະດົກບໍ່ເປັນວັດຖຸເພື່ອລວບລວມຄຸນຄ່າໃນສາງມໍລະດົກວັດທະນະທຳບໍ່ເປັນວັດຖຸ. ທ່ານນາຍົກລັດຖະມົນຕີ ຫງວຽນຊວນຟຸກ, ກ່າວວ່າ.

     “ມໍລະດົກແມ່ນວັດຖຸຫາຍາກ ເຊິ່ງທຳມະຊາດດົນບັນດານໃຫ້ປະເທດພວກເຮົາ ຫຼື ແມ່ນການອອກແຮງງານຢ່າງມີຫົວຄິດປະດິດສ້າງເຊິ່ງປູ່ຍ່າຕາຍາຍລຸ້ນຕ່າງໆໄດ້ສ້າງປະໄວ້. ແລະພວກເຮົາໝົດທຸກຄົນຕ້ອງຊາບຊຶມດ້ວຍຈິດໃຈນັ້ນແມ່ນ “ສິ່ງໃດກໍ່ສາມາດສ້າງໄດ້, ຜະລິດໄດ້, ປະດິດຄິດແຕ່ງໄດ້ ແຕ່ມໍລະດົກແມ່ນບໍ່ສາມາດສ້າງໄດ້”. ສະນັ້ນ, ຫ້າມທຳລາຍ, ເຮັດໃຫ້ເປ່ເພ ຫຼື ແລກປ່ຽນເອົາບໍ່ວ່າດ້ວຍເຫດຜົນໃດເພື່ອພັດຮັບໃຊ້ການພັດທະນາຢ່າງເດັດຂາດ. ຖ້າຫາກມໍລະດົກຖືກສູນຫາຍໄປແຕ່ໜ້ອຍດຽວ ກໍຈະເຮັດໃຫ້ສີສັນວັດທະນະທຳຂອງຊາດຖືກສູນຫາຍໄປນຳ”.

        ນັບແຕ່ປີ 2011 ຮອດປີ 2015, ຜ່ານໂຄງການຈຸດໝາຍແຫ່ງຊາດກ່ຽວກັບວັດທະນະທຳ, ໄດ້ມີ 12 ບ້ານດີເດັ່ນ ແລະ 5 ງານບຸນໄດ້ຮັບການໜູນຊ່ວຍອະນຸລັກຮັກສາ.

(ແຫຼ່ງຄັດຈາກ VOV)