(ກອງປະຊຸມສະມາຄົມມິດຕະພາບລາວ-ຫວຽດນາມທົ່ວປະເທດຄັ້ງທີ 2)
ທ່ານ ຮວ່າງຊວນເລືອງ, ອະດີດຮອງລັດຖະມົນຕີ, ຮອງຫົວໜ້າຄະນະກຳມະການຊົນເຜົ່າ, ຮອງປະທານສູນກາງສະມາຄົມມິດຕະພາບ ຫວຽດນາມ - ລາວ ຕີລາຄາສູງບັນດາຜົນງານອັນໃຫຍ່ຫຼວງ ເຊິ່ງສະມາຄົມມິດຕະພາບ ລາວ - ຫວຽດນາມ ຍາດມາໄດ້ໃນຊຸມປີຜ່ານມາ ກໍ່ຄືການສົມທົບກັນຢ່າງແໜ້ນແຟ້ນ ລະຫວ່າງ 2 ສະມາຄົມ ໃນການຜັນຂະຫຍາຍການເຄື່ອນໄຫວຫຼາຍຢ່າງເປັນຫຼາຍຮູບຫຼາຍແບບ, ອຸດົມສົມບູນ, ມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ເພີ່ມທະວີການພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ. ທ່ານ
ຮວ່າງຊວນເລືອງ ຢືນຢັນວ່າ ສະມາຄົມມິດຕະພາບ ຫວຽດນາມ - ລາວ ຈະສືບຕໍ່ຮ່ວມມືຢ່າງແໜ້ນແຟ້ນ ກັບ ສະມາຄົມມິດຕະພາບ ລາວ - ຫວຽດນາມ ໃນການຜັນຂະຫຍາຍບັນດາການເຄື່ອນໄຫວມິດຕະພາບປະຊາຊົນ, ປະກອບສ່ວນຊຸກຍູ້ການພົບປະແລກປ່ຽນຄວາມເຂົ້າອົກເຂົ້າໃຈ, ນ້ຳໃຈສາມັກຄີ ແລະ ການຮ່ວມມືລະຫວ່າງປະຊາຊົນສອງປະເທດ ຫວຽດນາມ - ລາວ.
(ແຫຼ່ງຄັດຈາກ VOV)
